Einungis Gerrard skorað meira en Gylfi á Old Trafford

Gylfi Þór Sigurðsson skoraði eina mark Everton sem tapaði 2-1 fyrir Manchester United á Old Trafford í dag.

Gylfi hefur oftar en ekki gert það gott á Old Trafford. Hann minnkaði muninn í 2-1 úr vítaspyrnu eftir að United hafði komist í 2-0.

Þetta var fjórða mark Gylfa á Old Trafford en flestir leikmenn dreyma um að skora einu sinni á Leikvangi draumanna. Gylfi hefur hins vegar gert það fjórum sinnum.

Einungis Steven Gerrard hefur gert betur en Gylfi sem leikmaður úti liðsins á Old Trafford. Gerrard er með fimm mörk en Sergio Aguero, Darren Bent og Edin Dzeko eru einnig með fjögur mörk.

Most @premierleague away goals at Old Trafford.

5 - Steven Gerrard
4 - Sergio Aguero
4 - Darren Bent
4 - Edin Dzeko
4- Gylfi Sigurdsson pic.twitter.com/mwTfjVG7xi

— Sky Sports Statto (@SkySportsStatto) October 28, 2018