Rúnar Alex Rúnarsson byrjaði í marki Íslands gegn Frökkum en fór út af í hálfleik. Erik Hamrén sagði það ekki hafa verið taktíska ákvörðun heldur hafi markmaðurinn ungi meiðst í baki.
Hannes Þór Halldórsson kom í markið í hálfleik eftir fína frammistöðu Rúnars í fyrri hálfleik. Í viðtali eftir leikinn sagði landsliðsþjálfarinn að ástæða skiptingarinnar hafi verið meiðsli.
„Margt jákvætt við þennan leik, en því miður einhver meiðsli, sjáum hversu slæm þau eru. Við þurftum að skipta út Alex, hann meiddist í baki,“ sagði Svíinn.
Hann sagði fleiri leikmenn eiga í meiðslavandræðum, Birkir Már Sævarsson fór út af í seinni hálfleik og hélt um lærið á sér. Arnór Ingvi Traustason fékk einnig högg á bakið í fyrri hálfleik.
Staðan á þeim leikmönnum sem eiga við einhver meiðsli að stríða verður tekin á morgun og laugardag.
Ísland leikur mikilvægan leik við Sviss í Þjóðadeildinni á Laugardalsvelli á mánudagskvöld.
Rúnar Alex tekinn út vegna bakmeiðsla
Tengdar fréttir
Jói Berg: Þessi Mbappe hann er að spila eitthvað annað en við hinir
Jóhann Berg Guðmundsson segir hefndina gegn Sviss á mánudaginn verða sæta eftir frábæra frammistöðu Íslands gegn heimsmeisturum Frakka í kvöld.
Rúnar Alex: Hafði það á tilfinningunni ég myndi byrja
Rúnar Alex Rúnarsson fékk sitt fyrsta tækifæri undir stjórn Erik Hamrén í leiknum gegn Frökkum í kvöld. Hann hélt hreinu í þær 45 mínútur sem hann spilaði.
Ísland yfir gegn Frökkum: Sjáðu mörkin
Birkir Bjarnason og Kári Árnason skoruðu mörk Íslands sem hefur 2-0 forystu gegn Frakklandi í vináttulandsleik þjóðanna ytra.
Hamrén: Vonandi fá strákarnir fullan völl á mánudag
Erik Hamrén var ánægður með mjög margt við leik Íslands gegn Frakklandi ytra í kvöld.
