Kanye West með mjög auðvelt lykilorð í símann

Tónlistarmaðurinn Kanye West mætti í Hvíta húsið í gær og ræddi þar við Donald Trump, forseta Bandaríkjanna.

Kanye hélt tíu mínútna einræðu þar sem hann fór vægast sagt um víðan völl. Einfaldast er að lýsa einræðu tónlistarmannsins sem þvælu, þar sem hann fór úr einu í annað og var nánast óskiljanlegur.

Rolling Stone tímaritið lýsir fundi þeirra tveggja sem klikkaðasta fundi Hvíta hússins. Virtist ræða Kanye  gera Trump sjálfan orðlausan.

Nú hefur myndband verið hlaðið upp á YouTube sem sýnir augljóslega hvert lykilorðið er inn í síma Kanye West. 

Það er ekki beint erfitt að muna umrætt lykilorð og mun það vera 000000 eins og sjá má hér að neðan.