Tobba Marinós og Kalli eignuðust dóttur

Fjölmiðlakonan Þorbjörg Marinósdóttir og unnusti hennar Baggalúturinn og borgarfulltrúinn fyrrverandi Karl Sigurðsson eignuðust dóttur í gær. Þorbjörg greindi frá þessu á Facebook síðu sinni. Fyrir á parið fjögurra ára gamla dóttur.

Þorbjörg eða Tobba eins og hún er oftast kölluð hefur meðal annars getið sér gott orð sem blaðakona á Morgunblaðinu, Séð og Heyrt og Kvennablaðinu. Tobba var einnig þáttastjórnandi Djúpu laugarinnar árið 2010 og skrifaði sama ár bókina Makalaus sem var vinsæl og voru gerðir sjónvarpsþættir eftir henni.

Karl Sigurðsson er þekktastur fyrir tónlist sína með hljómsveitinni Baggalút en einnig sat hann í borgarstjórn fyrir Besta Flokkinn.

Ég? Bara slakur. pic.twitter.com/X0xU7PnwfG

— Karl Sigurðsson (@kallisig) October 13, 2018