Öruggur sigur Wolfsburg sem situr á toppnum

Sara Björk Gunnarsdóttir og stöllur í þýska meistaraliðinu Wolfsburg eru enn ósigraðar á toppi Bundesligunnar eftir sigur á Werder Bremen í dag.

Íslenski landsliðsfyrirliðinn spilaði allan leikinn í sigri Wolfsburg.

Zsanett Jakabfi og Caroline Hansen komu gestunum frá Wolfsburg í 2-0 áður en hálftími var liðinn af leiknum. Kristine Hegland-Minde negldi svo síðasta naglann á 87. mínútu, lokastaðan 0-3 sigur Wolfsburg.

Wolfsburg hefur enn ekki fengið mark á sig í fyrstu fjórum leikjum deildarinnar, þær eru með markatöluna 17-0 og með fullt hús stiga.