Gáttaður á háu verðlagi á leikföngum á Íslandi

YouTube-arinn Alex Yu birtir reglulega myndbönd á síðu sinni The Ragin Nation og hefur verið horft á hans myndbönd yfir 30 milljón sinnum í heildina.

Hann var á dögunum á Akureyri og kíkti við í leikfangaversluninni Toy’ R’ Us á Glerártorgi til þess eins að skoða verðlagið í versluninni.

Nútíminn  greindi fyrst frá málinu en Yu er mikill áhugamaður um teiknimyndasögur, kvikmyndir og leikföng. Það er skemmst frá því að segja að Alex Yu hafi verið gáttaður á háu verðlagi.

Hann gengur um verslunina og skoðar mismunandi vörur. Verðið kemur honum sannarlega á óvart eins og sjá má hér að neðan.