Hafþór Júlíus og Kelsey gengin í það heilaga

Aflraunamaðurinn Hafþór Júlíus Björnsson er genginn í það heilaga með kærustunni sinni Kelsey Henson en þetta hefur DV eftir sínum heimildum.

Hafþór Júlíus er sterkasti maður heims og varð fyrir alvöru þekktur þegar hann kom fram í þáttunum Game of Thrones.

Parið hefur verið saman síðan árið 2017 en í frétt DV kemur fram að hjónin hafi undirritað kaupmála eða eins og segir á vefsíðunni: „Mikil leynd mun hafa verið yfir ráðahagnum, en hjónin undirrituðu samning, sem meðal annars innihélt ákvæði um ásakanir og varnir gegn þeim.“

Hafþór mun vera nýkominn úr nokkurra milljóna króna hárígræðslu en hér að neðan má sjá mynd af parinu saman.

 

 

 

View this post on Instagram

@kelc33

A post shared by Hafþór Júlíus Björnsson (@thorbjornsson) on Sep 8, 2018 at 12:07am PDT

Árið hefur verið viðburðaríkt hjá Hafþóri en hann sigraði á Arnold Classic-mótinu, varð sterkasti maður Íslands, Evrópu og heims. Þá hefur hann einnig verið við tökur á síðustu þáttaröð Game of Thrones. Hér fyrir neðan má sjá frá keppninni um sterkasta mann Íslands í sumar.