Fallbyssuskot skoðuð í „Slow motion“

Dustin, sem rekur Youtuberásina Smarter Every Day, er ávalt að bralla eitthvað. Á dögunum fór hann og virti fyrir sér fallbyssukeppni í Tennessee í Bandaríkjunum. Þar hafði hópur manna komið saman til að keppa í því að skjóta úr gamaldags fallbyssum. Því ef þú átt fallbyssu viltu auðvitað skjóta úr henni.

Til að fanga fallbyssuskotin á sem bestan hátt notaðist Dustin við tvær háhraðamyndavélar og var markmið hans að skoða höggbylgjurnar frá fallbyssunum sérstaklega.

Það er óhætt að segja að myndefni Dustin er nokkuð gott og það er mikið sjónarspil að fylgjast með þessum áhugamönnum um fallbyssur.