Eru hraðbankar skotheldir?

Edwin Sarkissian er einn af mörgum Bandaríkjamönnum sem birtir myndbönd af sér á Youtube þar sem hann er að skjóta hina ýmsu hluti. Markmiðið er yfirleitt ekkert annað en að sjá hve auðvelt sé að skjóta í gegnum áðurnefnda hluti. Göfugt markmið og mikilvægt að svara þeirri spurningu um sem flesta hluti, myndu eflaust einhverjir segja.

Hver hefur til dæmis ekki staðið við hraðbanka og spurt sig: „Er þessi hraðbanki skotheldur? Hve stórar kúlur gæti hann stöðvað?“

Þar kemur Sarkissian sterkur inn í sínu nýjasta myndbandi.