Lífið

Jeff Who? með endurkomu

Barfly var eitt allra vinsælasta lag landsins á sínum tíma.
Barfly var eitt allra vinsælasta lag landsins á sínum tíma.
Hljómsveitin Jeff Who? ætti að vera öllum kunn en þeir gerðu garðinn frægan fyrr á þessari öld. Sveitin var talin eitt allra hressasta rokkband landsins og þeirra vinsælasta lag Barfly naut gríðarlegra vinsælda og gerir enn.

Eftir nokkuð langan dvala hafa drengirnir ákveðið að rifja upp góða tíma og ætla að blása til tvenna tónleika nú í september og koma fram í Bæjarbíói Hafnarfirði 22. september og á Græna Hattinum Akureyri 21 sept.

Jeff Who? á dygga aðdáendur sem hafa beðið lengi eftir að berja sveitina aftur augum og fá þeir nú ósk sína uppfyllta. Meðlimir Jeff Who eru gríðarlegar spenntir að spila saman á ný og lofa mikilli og góðri stemningu.

„Það er búið að vera ótrúlega gaman að koma saman aftur og æfingar ganga glimrandi vel.  Við hlökkum mikið til tónleikana og lofum kyngimagnaðri stemningu að sjálfsögðu,“ segir Elís Pétursson bassaleikari í sveitinni.

Meðlimir hljómsveitarinnar eru þeir Þormóður Dagsson – trommur,  Ásgeir Valur Flosason gítar,  Elís Pétursson bassi og bakraddir, Valdimar Kristjónsson  hljómborð, píanó, synthar og bakraddir, Þorbjörn Sigurðsson hljómborð, Bjarni Hall - söngur og gítar.


Tengdar fréttir

Jeff Who vakti mikla lukku á Innipúkanum í gær

Hátíðin Innipúkinn í Reykjavík er hafin. Innipúkinn er árleg hátíð um verslunarmannahelgi fyrir fólk sem nennir ekki að þvælast út á land og gista í leku tjaldi til að fara á góða tónleika. Innipúkinn er líka fyrir fólkið sem er fast í bænum vegna vinnu en langar samt að lyfta sér upp á kvöldin. Hátíðin er haldinn í fimmta sinn í ár og er hún á Nasa. Dr. Gunni opnaði hátíðina upp úr klukkan sex með hinu góðkunna lagi Snakk fyrir pakk.

Bjarni Hall gefur út sólóplötu

„Tónlistin er ekkert lík Jeff Who? allavega. Ef ég væri að gera þannig tónlist myndi ég gera hana með hljómsveitinni,“ segir Bjarni Lárus Hall, söngvari hljómsveitarinnar Jeff Who?

Jeff Who? auglýsir vodka í Bandaríkjunum

„Við getum alveg verið vodkamenn, ef það hittir þannig á,“ segir Elís Pétursson, yfirleitt þekktur sem Elli, bassaleikari hljómsveitarinnar Jeff Who? Hann er þó fljótur að bæta við skýrum skilaboðum: „En við erum reglumenn, maður þarf að kunna að fara með svona hluti.“



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.