Skoraði hjá tveimur markvörðum í sama leiknum og komst í fámennan HM-hóp

Harry Kane skoraði bæði mörk enska landsliðsins í 2-1 sigri á Túnis á HM í gærkvöldi en hann skoraði hinsvegar ekki bæði mörkin sín framhjá sama markverði.

Túnismenn urðu að skipta markverði sínum útaf eftir fyrra mark Kane sem kom strax á 11. mínútu leiksins.

Mouez Hassen meiddist og varð að fara af velli. Farouk Ben Mustapha kom í markið í hans stað.

Ben Mustapha náði hinsvegar ekki að koma í veg fyrir að Kane skoraði sigurmarkið í uppbótartíma.

Kane er aðeins sjötti leikmaðurinn sem nær því að skora framhjá tveimur markvörðum í sama leik á HM.

Hinir eru Brasilíumaðurinn Pele, Júgóslavíumaðurinn Dusan Bajevic, Vestur-Þjóðverjinn Karl-Heinz Rummenigge, Spánverjinn Ramón Calderé og Úrúgvæmaðurinn Diego Forlan.

#OJOALDATO - #Hurricane#ENG le ha marcado a dos porteros diferentes en un mismo partido de la Copa del Mundo. Sólo lo habían hecho anteriormente Pelé #BRA, Bajevic #SRB, Rummenigge #GER, Calderé #ESP y Forlán #URU

— MisterChip (Alexis) (@2010MisterChip) June 18, 2018