Vorspá Siggu Kling – Meyjan: Býrð yfir svo sterku skilningarviti

Elsku Meyjan mín, þú ert svo þrekmikil og aktív týpa en getur orðið hrikalega pirruð af engu tilefni og komið þér í vandræði. Slappaðu af því þú verður alveg örugg og vandamálið minnka í kringum þá sem þú elskar.

Það er svo í eðli þínu að passa upp á alla, en þú skalt treysta veröldinni vegna þess að allir sem fæðast hér á jörðinni eru með vernd og þó þeir fari ekki nákvæmlega þann veg sem þú vilt þeir fari er þetta samt rétta leiðin að takmarkinu sem bíður þeirra.

Þegar þú ert búin að ná tökum á tilfinningaregnboganum sem er allt í kringum þig verður miklu auðveldara að lifa þessu lífi. Það er svo magnað að spá í draumana sína og þig dreymir fyrir svo mörgu, svo það er gott að biðja um það áður en þú ferð að sofa að þú fáir að muna draumana þína um leið og þú vaknar. Karlmenn segjast síður dreyma fyrir því sem gerist, en það er vegna þess að þeir eru svo lítið að spekúlera í því.

Þú ert svo stórkostleg í að elska, en elskar líka að hafa allt í röð og reglu í kringum þig. Það eru svo margir sem vilja aðstoða þig en þú þarft að láta vita hvað þig aðstoð við.

Þú býrð yfir svo sterku skilningarviti og finnur á þér hvað er að fara að gerast jafnvel mörgum mánuðum áður en það gerist og ef þú ert karlmaður í þessu merki þá þarftu maka sem skilur hvað þú ert blíður og svolítið ‚mjúkur‘ í þér, en það eru alltaf flottustu karlmennirnir. Í raun og veru veistu alveg nákvæmlega hvert þú stefnir,en óttinn um mistök fær þig til að stoppa. Svo drífðu þig af stað því það er mikil orka í loftinu sem mun hjálpa þér með veraldleg gæði og peninga og lætur þig skilja að þú þarft jafnvel bara tvö símanúmer og málunum er reddað.

Ekki vera óttaslegin við innilegt samband; þú getur fengið hvern sem þú þráir en ef þú ert í niðurrifi þá velur þú einhvern sem ekki er þér samboðinn. Hækkaðu orku þína og knúsaðu þá sem jafnvel eiga það ekki skilið, örlæti, umhyggjusemi og innsæi er það sem er að mæta þér og þú færð meira af öllu því líf þitt verður eins og hlaðborð.

Setningin þín er: Örlæti, umhyggjusemi og innæi

Knús og kossar, þín Sigga Kling

Frægar Meyjur: Ragna Lóa Stefánsdóttir íþróttakona, Manuela Ósk fyrirsæta, Björk Eiðsdóttir ritstýra, Andrea fatalistamaður, Claudia Schiffer fyrirsæta, Edda Björgvinsdóttir leikkona, Eva Dögg Sigurgeirsdóttir, ritstjóri og tískugúrú, Herdís Jóhannesdóttir athafnakona, Beyoncé Knowles söngkona, Gylfi Þór Sigurðsson, Eiður Smári Guðjohnsen, Sigrún Ósk Kristjánsdóttir sjónvarpskona, Annie Mist crossfittari, Logi Pedro Stefánsson tónlistarmaður, Selma Ragnars, fatahönnuður Íslands, Lalli Johns góðkunningi lögreglunnar, Sema Erla Serdar, baráttukona, Eydís Ósk hjúkrunarkona.