Lífið

The Rock bjargaði árinu fyrir þessa ungu konu

Stefán Árni Pálsson skrifar
Fallega gert hjá Johnson.
Fallega gert hjá Johnson.

Dwayne „The Rock“ Johnson fékk boð á lokaballið frá ungri konu að nafni Katie Kelzenberg. 

Viðbrögð hans hafa vakið mikla athygli en Katie er nemandi við Stillwater framhaldskólann í Minnesota í Bandaríkjunum.

„Mig langar að bjóða þér á lokaballið í skólanum mínum. Þú ert sennilega að hugsa af hverju þú ættir að fara með mér. Svarið er einfaldlega að ég er harðasti aðdáandi Dwayne Johnson í heiminum. Ég elska allir kvikmyndirnar þínar og var til að mynda klædd eins og þú á hrekkjavökunni,“ segir Kelzenberg í myndbandi sem hún sendir The Rock.

Dwayne Johnson fékk skilaboðin og svaraði um hæl:

„Takk fyrir boðið Katie Kelzenberg. Ég kemst því miður ekki, ég verð staddur á Hawaii að skjóta Jungle Cruise. Mig langar að þakka þér fyrir boðið og hrósa þér fyrir að stíga út fyrir þægindarammann,“ segir The Rock í myndband sem hann sendi frá sér.

Hann ætlar að bjóða henni og öllum vinum hennar í bíó og ætlar hann sér að leigja heilt kvikmyndahús fyrir hópinn til að sjá nýjustu mynd stjörnunnar, Rampage.

Dwayne Johnson var ekki hættur þarna og fékk hann að tilkynna þessari ungu konu fréttirnar í kerfi skólans.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.