Bíða með lóðina sem Spretta vill
Hafnarstjórn Hafnarfjarðar mun ekki ráðstafa lóð sem sprotafyrirtækið Spretta hefur óskað eftir við Strandgötu 86, undir gámaþorp fyrir ræktun spretta (e. microgreens) og salats, fyrr en frekari ákvörðun liggur fyrir um framtíðarskipan á svæðinu.
Telur stjórnin að um áhugavert verkefni sé að ræða en bendir á að samkeppni standi nú yfir um skipulag Flensborgarhafnar/Óseyrarsvæðisins.
Fréttablaðið greindi um miðjan nóvember frá bréfi forsvarsmanna Sprettu, þeirra Stefáns Karls Stefánssonar leikara og Soffíu Steingrímsdóttur, til bæjaryfirvalda þar sem þau óskuðu eftir samstarfi vegna tímabundins tilraunaverkefnis.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
