ESPN segir Henry búinn að semja við Mónakó

Thierry Henry er búinn að semja við Mónakó til þriggja ára samkvæmt heimildum ESPN.

Leonarddo Jardim var rekinn úr stjórastöðunni í vikunni og var Henry talinn efstur á óskalista forráðamanna Mónakó í að taka við af honum.

Heimildir ESPN herma að Henry sé buinn að skrifa undir þriggja ára samning og verði kynntur til leiks á sunnudag. Þeir segja Henry mæta til Mónakó í dag.

Henry er aðstoðarlandsliðsþjálfari Belga og var á hliðarlínunni í gærkvöld þegar þeir unnu sigur á Sviss í Þjóðadeildinni.