Pabbi Kompany fyrsti þeldökki borgarstjórinn í Belgíu

Belgar kusu í gær fyrsta þeldökka borgarstjórann til starfa en það er faðir Vincent Kompany, landsliðsmanns Belgíu í fótbolta. BBC greinir frá.

Pierre Kompany bar sigur úr býtum í kosningu um borgarstjóra í Ganshoren í Brussel en hann kom til Belgíu frá Kongó árið 1975.

Kompany eldri fór út í stjórnmál í Belgíu árið 2006 sem ráðgjafi og var kominn á þing fyrir fjórum árum síðan.

Hann er vitaskuld hvað þekktastur fyrir að vera faðir Vincent Kompany sem er bæði fyrirliði Englandsmeistara Manchester City og fastamaður í belgíska landsliðinu.

„Sögulegt! Við erum svo stoltir af þér, pabbi!“ segir Vincent Kompany í myndbandi sem hann setti inn á Instagram-síðu sína en hann er með 1,6 milljónir fylgjenda.

View this post on Instagram

‪History! We are so proud of you dad. Came over from the DR Congo, as a refugee, in 1975. Now gained the trust of your local community becoming the first ever black elected mayor in Belgium! It was long over due but it's progress. Massive congrats! #Belgium #Brussels #Ganshoren

A post shared by Vincent Kompany (@vincentkompany) on Oct 14, 2018 at 12:43pm PDT