Fótbolti

Ronaldo: Vona að strákurinn minn verði knattspyrnumaður

Dagur Lárusson skrifar
Feðgarnir.
Feðgarnir. vísir/getty
Cristiano Ronaldo, leikmaður Juventus, segir að einn af hans æðstu draumum sé að sonur hans feti í fótspor hans.

 

Eins og glöggir aðdáendur kappans vita þá á hann 8 ára son sem heitir Cristiano Jr en sá litli hefur þegar byrjað að sýna tilþrif sín með boltann.

 

„Hann er með mikið keppnisskap, alveg eins og ég þegar ég var yngri og hann hatar að tapa,“ sagði Ronaldo.

 

„Hann mun verða eins og ég, ég er alveg viss um það. Ég vona að með minni reynslu og hvatningu að þá geti ég hjálpað honum að ná eins langt og hann vill. En hann auðvitað verður bara það sem hann vill verða.“

 

„Ég mun alltaf styðja hann, sama hvað hann ákveður að gera, en auðvitað vil ég að hann verði knattspyrnumaður því hann er með sama drifkraft og ég.“

 

„Hann er með sterkan líkama, hann er fljótur, getur skotið fast. En eins og ég segi, þetta verður hans ákvörðun og ég ætla ekki að setja pressu á hann, en auðvitað er það einn af mínum æðstu draumum að sjá strákinn minn verða að knattspyrnumanni.“    

 

Fótbolti

Mest lesið


Fleiri fréttir

Sjá meira


×

Mest lesið