Markmiðið að búa til gleðistund í anda Stuðmanna Magnús Guðmundsson skrifar 23. febrúar 2018 06:00 Guðjón Davíð segir stefnt að því að smita gleði út í samfélagið eins og Stuðmenn hafi gert í öll þessi ár. Vísir/Stefán „Loksins á íslenska þjóðin söngleik með lögum Stuðmanna, það var tími til kominn,“ segir Guðjón Davíð Karlsson, leikari, leikstjóri og nú söngleikjahöfundur, aðspurður um hvað hann væri búinn að vera að fást við að undanförnu. Guðjón Davíð er höfundur og leikstjóri sirkussöngleiksins Slá í gegn, sem er með lögum Stuðmanna, og verður frumsýndur á stóra sviði Þjóðleikhússins á laugardagskvöldið. Til þess að útskýra formið nánar segir Guðjón Davíð að þetta form sé nú Íslendingum að góðu kunnugt og að Þrek og tár eftir Ólaf Hauk Símarson sé gott dæmi um þessa nálgun. „Þetta er svona það sem er kallað glymskrattasöngleikur eða jukebox musical upp á enskuna. Ég bý til ákveðna sögu, vel lögin og reyni svona eftir bestu getu að láta þetta hljóma eins og þetta hafi verið samið á sama tíma. Mamma Mia!, We Will Rock You, þetta eru allt dæmi um það þegar þessari aðferð er beitt svo að fólk átti sig aðeins á því við hverju það má búast. Það var ótrúlega gaman að gera þetta því þarna erum við með tónlist eftir mestu gleðisveit íslensku þjóðarinnar. Það var æðislegt að leggjast yfir þetta því þeir eiga svo ótrúlega langan lagalista. Eitt er svo að eiga mörg lög en annað er að eiga svona marga smelli. Það er eiginlega bara vandræðalegt,“ segir Guðjón Davíð og hlær við tilhugsunina. Það er vandfundið það mannsbarn á Íslandi sem ekki þekkir til tónlistar Stuðmanna enda segir Guðjón Davíð tímabilið sem hann hafi sótt í spanna ríflega fjóra áratugi. „Ég er þarna með lög frá Tívolí og Sumri á Sýrlandi og þetta eru plötur frá því um miðjan áttunda áratuginn. En það merkilega er hvað þeir eru búnir að fara í gegnum ótrúlega mörg skeið í tónlistarsögunni. Margar stefnur og alls konar tískusveiflur þannig að það eru þarna alls konar týpur af lögum en samt er gleðin alltaf leiðarstefið. En það sem ég held að sé lykillinn að því að geta þetta er einfaldlega hversu ótrúlega færir laga- og textasmiðir eru þarna á ferðinni. Annað sem þeir hafa og hjálpar líka mikið til við þetta langlífi er það að þeir hafa húmor fyrir sjálfum sér. Ef maður hefur húmor þá hjálpar hann manni að komast í gegnum allt og þeir eru sönnun þess. Þessi húmor kemur fram hjá þeim í bæði lögum og textum en svo líka á sama tíma risastórt hjarta því þetta eru engin skrípalæti. Þetta er það sem er svo flott við Stuðmenn og þess vegna hentar þetta líka svo vel í leikhúsuppfærslu.“Eilítið kvíðvænlegt verkefni Guðjón Davíð segir að mörg laga Stuðmanna séu einmitt það sem kalla má leikhúsleg. „Það er svo mikið verið að segja sögur. Þarna er allt fullt af nöfnum, bæði staðarnöfnum og mannanöfnum og það einmitt gefur til kynna að það er alltaf verið að segja sögur sem liggja þarna að baki og það gerir þetta mjög skemmtilegt.“ Stuðmenn voru byrjaðir að leika og syngja fyrir landsmenn áður en Guðjón Davíð kom í heiminn og aðspurður hvort honum hafi ekki þótt þetta verkefni eilítið kvíðvænlegt tilhugsunar svarar hann einfaldlega. „Jú, jú. Auðvitað, en að sama skapi þá nálgast ég þetta með mikilli virðingu fyrir þeim og aðdáun því mér finnst þeir svo frábærir. Með þessum söngleik erum við að reyna að gera það sem þeir hafa verið að fást við í öll þessi ár og það er að smita gleði út í samfélagið. Það er takmarkið með þessum söngleik. Við erum ekkert að þykjast neitt eða reyna eitthvað, við viljum bara gleðja. Það er bara gleðibomba í Þjóðleikhúsinu og þarna fær fólk þessa æðislegu og dillandi Stuðmannatónlist flutta af frábærum listamönnum á sviðinu og það með leikhústöfrum. Það er hljómsveit á sviðinu auk leikaranna, dansara og sirkuslistamanna þannig að það er mikið í lagt. Markmiðið er einfaldlega að búa til gleðistund í anda Stuðmanna og reyna að fá fólk til þess að fara brosandi, dansandi og syngjandi aftur út í lífið eftir kvöldstund í leikhúsinu.“ Mest lesið Þórdís Lóa um Júró-umfjöllun: „Hvers vegna þessi þögn?“ Lífið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun Fjölmennt í framboðsteiti Arnars Þórs í Iðnó Lífið Ætlar hvorki að hætta að vinna né opna kaffihús Lífið „Það er einmanalegt að missa móður“ Lífið Krakkatían: Celebs, sumar og forseti Íslands Lífið „Spurði hversu mörgum stelpum hann væri búin að senda þessa línu“ Makamál Vandamálaráðuneytið únefndi hinn fimmtán ára Viðar til sigurs Lífið Hvetur fólk til að nota sólarvörn eftir krabbameinsgreiningu Lífið Fleiri fréttir Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Krakkatían: Celebs, sumar og forseti Íslands Sveitarstjóri og sauðfjárbóndi fóru á kostum Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Heyrt kjaftasögurnar um eldri mennina sem stýri henni Sjá meira
„Loksins á íslenska þjóðin söngleik með lögum Stuðmanna, það var tími til kominn,“ segir Guðjón Davíð Karlsson, leikari, leikstjóri og nú söngleikjahöfundur, aðspurður um hvað hann væri búinn að vera að fást við að undanförnu. Guðjón Davíð er höfundur og leikstjóri sirkussöngleiksins Slá í gegn, sem er með lögum Stuðmanna, og verður frumsýndur á stóra sviði Þjóðleikhússins á laugardagskvöldið. Til þess að útskýra formið nánar segir Guðjón Davíð að þetta form sé nú Íslendingum að góðu kunnugt og að Þrek og tár eftir Ólaf Hauk Símarson sé gott dæmi um þessa nálgun. „Þetta er svona það sem er kallað glymskrattasöngleikur eða jukebox musical upp á enskuna. Ég bý til ákveðna sögu, vel lögin og reyni svona eftir bestu getu að láta þetta hljóma eins og þetta hafi verið samið á sama tíma. Mamma Mia!, We Will Rock You, þetta eru allt dæmi um það þegar þessari aðferð er beitt svo að fólk átti sig aðeins á því við hverju það má búast. Það var ótrúlega gaman að gera þetta því þarna erum við með tónlist eftir mestu gleðisveit íslensku þjóðarinnar. Það var æðislegt að leggjast yfir þetta því þeir eiga svo ótrúlega langan lagalista. Eitt er svo að eiga mörg lög en annað er að eiga svona marga smelli. Það er eiginlega bara vandræðalegt,“ segir Guðjón Davíð og hlær við tilhugsunina. Það er vandfundið það mannsbarn á Íslandi sem ekki þekkir til tónlistar Stuðmanna enda segir Guðjón Davíð tímabilið sem hann hafi sótt í spanna ríflega fjóra áratugi. „Ég er þarna með lög frá Tívolí og Sumri á Sýrlandi og þetta eru plötur frá því um miðjan áttunda áratuginn. En það merkilega er hvað þeir eru búnir að fara í gegnum ótrúlega mörg skeið í tónlistarsögunni. Margar stefnur og alls konar tískusveiflur þannig að það eru þarna alls konar týpur af lögum en samt er gleðin alltaf leiðarstefið. En það sem ég held að sé lykillinn að því að geta þetta er einfaldlega hversu ótrúlega færir laga- og textasmiðir eru þarna á ferðinni. Annað sem þeir hafa og hjálpar líka mikið til við þetta langlífi er það að þeir hafa húmor fyrir sjálfum sér. Ef maður hefur húmor þá hjálpar hann manni að komast í gegnum allt og þeir eru sönnun þess. Þessi húmor kemur fram hjá þeim í bæði lögum og textum en svo líka á sama tíma risastórt hjarta því þetta eru engin skrípalæti. Þetta er það sem er svo flott við Stuðmenn og þess vegna hentar þetta líka svo vel í leikhúsuppfærslu.“Eilítið kvíðvænlegt verkefni Guðjón Davíð segir að mörg laga Stuðmanna séu einmitt það sem kalla má leikhúsleg. „Það er svo mikið verið að segja sögur. Þarna er allt fullt af nöfnum, bæði staðarnöfnum og mannanöfnum og það einmitt gefur til kynna að það er alltaf verið að segja sögur sem liggja þarna að baki og það gerir þetta mjög skemmtilegt.“ Stuðmenn voru byrjaðir að leika og syngja fyrir landsmenn áður en Guðjón Davíð kom í heiminn og aðspurður hvort honum hafi ekki þótt þetta verkefni eilítið kvíðvænlegt tilhugsunar svarar hann einfaldlega. „Jú, jú. Auðvitað, en að sama skapi þá nálgast ég þetta með mikilli virðingu fyrir þeim og aðdáun því mér finnst þeir svo frábærir. Með þessum söngleik erum við að reyna að gera það sem þeir hafa verið að fást við í öll þessi ár og það er að smita gleði út í samfélagið. Það er takmarkið með þessum söngleik. Við erum ekkert að þykjast neitt eða reyna eitthvað, við viljum bara gleðja. Það er bara gleðibomba í Þjóðleikhúsinu og þarna fær fólk þessa æðislegu og dillandi Stuðmannatónlist flutta af frábærum listamönnum á sviðinu og það með leikhústöfrum. Það er hljómsveit á sviðinu auk leikaranna, dansara og sirkuslistamanna þannig að það er mikið í lagt. Markmiðið er einfaldlega að búa til gleðistund í anda Stuðmanna og reyna að fá fólk til þess að fara brosandi, dansandi og syngjandi aftur út í lífið eftir kvöldstund í leikhúsinu.“
Mest lesið Þórdís Lóa um Júró-umfjöllun: „Hvers vegna þessi þögn?“ Lífið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun Fjölmennt í framboðsteiti Arnars Þórs í Iðnó Lífið Ætlar hvorki að hætta að vinna né opna kaffihús Lífið „Það er einmanalegt að missa móður“ Lífið Krakkatían: Celebs, sumar og forseti Íslands Lífið „Spurði hversu mörgum stelpum hann væri búin að senda þessa línu“ Makamál Vandamálaráðuneytið únefndi hinn fimmtán ára Viðar til sigurs Lífið Hvetur fólk til að nota sólarvörn eftir krabbameinsgreiningu Lífið Fleiri fréttir Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Krakkatían: Celebs, sumar og forseti Íslands Sveitarstjóri og sauðfjárbóndi fóru á kostum Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Heyrt kjaftasögurnar um eldri mennina sem stýri henni Sjá meira