Paris Hilton um partímyndina frægu: „Henni var ekki boðið“

Lilja Katrín Gunnarsdóttir skrifar 12. desember 2017 21:30

Hin heilaga þrenning. Vísir / Samsett mynd

Þeir sem fylgdust með ævi og störfum fræga fólksins í kringum aldamótin 2000 muna eflaust að raunveruleikastjarnan og hótelerfinginn Paris Hilton, leikkonan Lindsay Lohan og söngkonan Britney Spears voru uppá sitt besta á þeim tíma. Þær áttu heiminn og voru miklir áhrifavaldar, langt áður en stjörnur á borð við Kim Kardashian komu til sögunnar.

Árið 2006 náðist sögufræg mynd af þessu þríeyki saman í bíl og var myndin einfaldlega kölluð Holy Trinity, eða Hin heilaga þrenning. Var myndin einna merkilegust fyrir það að sýna Lindsay Lohan og Paris Hilton saman í bíl, en pressan var dugleg við að flytja fréttir um ósætti þeirra á þessum tíma.

Nú kann Paris að hafa blásið lífi í þær glæður eftir að hún tjáði sig um myndina við áströlsku MTV-fréttastofuna.

„Þetta voru bara ég og Brit úti á lífinu og síðan kom hún og elti okkur í bílinn og settist inn. Henni var ekki boðið,“ segir Paris, og á þá við að Lindsay hafi boðið sjálfri sér með í bíltúr.

Lindsay og Paris á góðri stundu.Vísir / Getty Images

Meðal þess sem olli þessu ósætti á milli Lindsay og Paris var að sú síðarnefnda átti að hafa kastað í hana áfengum drykk eitt sinn, en þær stöllur voru duglegar að fara út á lífið á sínum tíma. Þegar þessi fræga mynd af heilögu þrenningunni var tekin sagði Lindsay að þessar fréttir væru uppspuni.

„Paris er vinkona mín. Allir ljúga um allt. Hún er indæl manneskja. Ég hef þekkt hana síðan ég var fimmtán ára. Hætti að láta okkur hata hvor aðra.“

Eins og sést á myndbandinu hér fyrir neðan höfðu ljósmyndarar og blaðamenn mikinn áhuga á þessu sambandi Paris og Lindsay:

Almenningur skiptist í tvær fylkingar þegar kom að þessum stöllum og hélt annað hvort með Lindsay eða Paris. Þá er hægt að búast við því að þessar fylkingar myndist á nýjan leik eftir þessa móðgun Paris í viðtali við MTV. Sem er synd og skömm, því allt virtist vera fallið í ljúfa löð hjá Paris og Lindsay, og bauð Lindsay meira að segja bæði Paris og Britney í afmæli sitt í Grikklandi síðasta sumar.

Hér fyrir neðan má svo sjá myndband af kvöldinu þar sem myndin fræga var tekin:

Mest lesið

Fleiri fréttir

Mest lesið

Fleiri fréttir

Mest lesið

Tarot dagsins