Menning

Cristiano Ronaldo bókin er best

Gunnþóra Gunnarsdóttir skrifar
Finnur Atli skreytir herbergið sitt með ýmsum hætti, meðal annars í stíl við aðal áhugamálið, fótboltann.
Finnur Atli skreytir herbergið sitt með ýmsum hætti, meðal annars í stíl við aðal áhugamálið, fótboltann. Vísir/Ernir

Hann  Finnur Atli Kolbeinsson er sex ára gamall og er forfallinn fótboltaáhugamaður, eins og fleiri strákar. En fyrst þetta:

Í hvaða skóla ertu og hvað finnst þér skemmtilegast að læra þar? Ég er í Melaskóla og mér finnst skemmtilegast að fara í smiðju, reikna og fara í leiki.

Ertu í tónlist eða íþróttum eftir skóla – og þá hverjum? Ég spila fótbolta með KR og svo er ég að læra á píanó.

Áttu þér uppáhaldslið erlendis? Manchester United.

Hvaða fótboltamaður er bestur að þínu mati? Cristiano Ronaldo, hann var einu sinni í United og það væri betra ef hann væri enn þá þar.

Ertu byrjaður að æfa jólalög í skólanum eða heima? Í skólanum og heima. Snæfinnur snjókarl er uppáhaldsjólalagið mitt.

Hvernig leikföng leikur þú þér mest með? Fótbolta, ég er alltaf að spila fótbolta.

Hvaða bók er best? Cristiano Ronaldo bókin. Þar sést hvað hann borðar hollan mat.

Hvað gerir þú helst um helgar? Fer að spila fótbolta með pabba eða leika mér með mömmu.

Hvað langar þig að verða þegar þú verður stór? Fótboltamaður hjá íslenska landsliðinu og Man­chester United.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.