Engin leiðindi á milli Mane og Klopp

Sadio Mane, leikmaður Liverpool, segist ekki vera í neinni fýlu út í stjórann sinn, Jürgen Klopp.

Mane var augljóslega mjög ósáttur eftir leikinn gegn Chelsea um síðustu helgi og átti þá í hrókasamræðum við Klopp. Hann segir það þó ekki hafa verið alvarlegt.

„Þetta snérist bara um að hann bað mig um að vera hægra megin á vellinum og hann var alltaf að kalla á mig. Ég sagði honum að stundum væri betra að kalla á Mo Salah þar sem hann væri nær honum. Þetta var vinalegt og ég var ekkert ósáttur,“ sagði Mane.

„Það eru engin leiðindi. Þetta var bara samtal þar sem við fórum yfir hluti úr leiknum.“