Heimir Hallgrímsson og Lars Lagerbäck mynduðu öflugt þjálfarateymi hjá íslenska landsliðinu á sínum tíma. Þeir urðu líka góðir vinir og halda enn góðu sambandi.
„Já, við spjöllum reglulega. Við sendum SMS eftir hvern leik og tölum svo líka í síma nokkrum dögum síðar. Í raun eftir hvern leik og á milli leikja líka,“ segir Lagerbäck um samskipti sín við Heimí í dag.
Lagerbäck var í stuttri heimsókn á Íslandi vegna leiks Manchester City og West Ham á Laugardalsvelli í gær en Heimir Hallgrímsson átti ekki heimangengt. Hann er í Vestmannaeyjum, sinni heimabyggð, á Þjóðhátíð.
„Það er synd að þessi leikur stangist á við veisluna í Vestmannaeyjum en ég hitti hann bara næst þegar ég kem til Íslands.“
Lars missti af Heimi sem er á Þjóðhátíð
Tengdar fréttir
Ég fagna að sjálfsögðu enn með íslenska liðinu
Lars Lagerbäck kom í stutta heimsókn til Íslands í tengslum við Super Match á Laugardalsvelli í gær. Hann segist sakna landsins og þykir miður að hafa ekki séð leik með íslenska landsliðinu eftir að hann hætti.
