„viltu að ég komi og gangi endalega frá þér, helvítis fáviti? helvítis hommadjöfull??“

Maður nokkur búsettur í Grindavík var í gær dæmdur til 30 daga fangelsisvistar fyrir hótanir og ókvæðisorð á Facebook. Þá var honum gert að greiða sakarkostnað sem nemur 335 þúsund krónum. Dómurinn féll í Héraðsdómi Suðurlands. Hótanirnar voru gegn sjómanni og komu fram í kjölfar rifrildis um merki íþróttafélagsins Týs. Rifrildið magnaðist stig frá stigi og reyndar furðu hratt en það fór fram í Facebookhópnum Heimaklettur.

Eftirfarandi eru samskipti tiltekin í dómsorði:

Kærandi: „Flott svið með ljótu merki sem prýðir þar.“

Ákærði: „Ljótu merki? Börn týrsara eru aldrei fögur, FACE!!“.

Kærandi: „Hvað er þetta 25 facebook accountinn þinn? Dóttir mín er barn týsara og er hun mikið fallegri en þú utan sem og innan“

Ákærði: „já, dæturnar eru það yfirleitt...“

Kærandi: „Er það ekki eitthvað sem þú fýlar ungt og saklaust?“

Ákærði: „nei“

Kærandi: „Samnt með dóm a bakinu fyrie vörslu a barnaklámi. Urðu nu margar her i sundinu fyrir þer i eyjum a sinum tima, en allt var kæft niður þér i hagnað“

Í framhaldi af þessum samskiptum sendi ákærði einkaskilaboð til kæranda á sama samskiptamiðli þar sem segir: „ertu að reyna að pikka fæt?? ertu með ´dauðaósk?? viltu að ég komi og gangi endalega frá þér, helvítis fáviti? helvítis hommadjöfull??“ Þessu svarar kærandi með því að segja „Hahahahaha Haltu kjafti Helvitis auminginn þinn“ og þá sendir ákærði til baka skilaboðin „ÉG DREP ÞIG ÞEGAR ÉG SÉ ÞIG!!“

Tildrög eru þau að 19. maí 2016 kom maður á lögreglustöðina í Vestmannaeyjum og lagði fram kæru á hendur ákærða fyrir líflátshótanir. Hann hafi tekið hótunina alvarlega og taldi að ákærði léti verða af hótuninni „þar sem hann væri mjög sérstakur og aldrei að vita hverju hann tæki uppá.

Kærandi hafði verið á Facebook umræddan dag og sett fram athugasemd í gríni varðandi merki íþróttafélagsins Þórs í Vestmannaeyjum, en sjálfur sé kærandi stuðningsmaður íþróttafélagsins Týs í Vestmannaeyjum.

„Þá hafi ákærði komið með athugasemd um börn týrara og það hafi farið fyrir brjóstið á honum. Hafi þá kærandi svarað ákærða og minnst þar á að ákærði væri dæmdur fyrir vörslur á barnaklámi. Þá hafi ákærði sent sér einkaskilaboð þar sem hann hóti að drepa hann þegar hann sjái hann næst,“ segir meðal annars í dómnum.