Alls voru 17 mörk skoruð í 8. umferð Pepsi-deildar kvenna sem fór fram á föstudaginn var.
Cloé Lacasse skoraði fernu í 0-5 sigri ÍBV á Fylki og Sandra María Jessen skoraði þrjú mörk í 5-0 sigri toppliðs Þórs/KA á Grindavík.
Valur vann öruggan 4-0 sigur á FH og Hólmfríður Magnúsdóttir var á skotskónum í 0-2 sigri KR á Haukum.
Þá skoraði Fanndís Friðriksdóttir eina markið í stórleik umferðarinnar, milli Breiðabliks og Stjörnunnar á Kópavogsvelli.
Öll 17 mörkin úr 8. umferðinni má sjá í spilaranum hér að ofan.
Íslenski boltinn
