Pepsi-mörkin: Sjáðu samskipti Haralds við dómarann eftir leik Stjörnunnar og Víkings R

Haraldur Björnsson, markmaður Stjörnunnar, var mjög óánægður með mark sem hann fékk dæmt á sig í gær í leik gegn Víkingi Reykjavík. Hann vildi fá dæmda aukaspyrnu þegar Vladimir Tufegdzic bakkar inn í hann sem veldur því að hann missir boltann í markið.

Vel var farið yfir þetta atvik, eins og öll önnur, í Pepsi mörkunum í gærkvöldi. Þar má meðal annars heyra samskipti Haralds og Gunnars Jarls Jónssonar, dómara leiksins, að leik loknum.

Brot úr umræðunni má sjá í spilaranum hér að ofan, ásamt viðtali Haralds við Þór Símon Hafþórsson. Markið sjálft má svo sjá hér fyrir neðan.

Leikurinn endaði með 2-2 jafntefli, sem gerir afskaplega lítið fyrir Stjörnuna í eltingarleik þeirra við Valsmenn um Íslandsmeistaratitilinn.