Texas-Maggi gagn­rýndur fyrir við­tal við Einar Gauta: „Þú ert svo­lítið Ind­verja­legur“

Magnús Ingi Magnússon, betur þekktur sem Maggi á Texasborgurum, virðist vera nokkuð lunkinn við það að koma sér í umræðuna og ekki alltaf á beint jákvæðan hátt.

Maggi hefur lengi verið með sjónvarpsþátt á sjónvarpsstöðinni ÍNN og kallast þátturinn Eldhús Meistaranna. Snemma í nóvember kom glænýr þáttur út og þá skellti Magnús sér til Akureyrar.

Þar ræddi hann við Guðmund Karl Tryggvason, eigandi Bautans á Akureyri, og Einar Gauta Helgason, kokk á veitingarstaðnum.

„Það sést nú að þú ert ekki frá Bárðardal,“ sagði Magnús við Einar Gauta sem er dökkur á hörund. Hann svaraði; „Nei nei, ég ekki þaðan, ég er ættleiddur frá Indlandi.“

Texas-Maggi svaraði þá um hæl; „Þú ert svolítið Indverjalegur“.

Magnús Ingi rekur veitingarstaðinn Texasborgarar en hann ákvað í sumar að bjóða sig fram til forseta Íslands og vakti mikla athygli fyrir það.

Twitter-notandinn ‏@olitje varpaði ljósi á umrætt viðtal á samfélagsmiðlinum í dag og skapaðist við það nokkur umræða. Hér að neðan má sjá þá umræðu og neðst í fréttinni má sjá þáttinn í heild sinni.

þetta. er. svo. erfitt. pic.twitter.com/UtuF41AQRX

— Olé! (@olitje) November 22, 2016

@olitje argh. Ég lenti í því sama og gæjinn í rússibananum og líkaminn slökkti sjálfkrafa á sér til að forðast að horfa á þetta.

— Jóhann Þ Bergþórsson (@johannth) November 22, 2016

@olitje @hrafnjonsson held að Texas sé búinn að reykja aðeins of mörg gúmmítré.

— Egill R. Erlendsson (@e18n) November 22, 2016

@olitje Það er líklegra að það sé prumpað í borgarana á Texasborgurum en að það sé prumpað í stampinn fyrir norðan.

— Óli G. ⚔️ (@dvergur) November 22, 2016

Eldhús Meistaranna - 04. nóv 2016