Íslendingaliðin sættust á jafntefli

AGF og AC Horsens gerðu 1-1 jafntefli í dönsku úrvalsdeildinni í fótbolta í kvöld en bæði lið þurftu á stigum að halda í neðri hluta deildarinnar.

Theódór Elmar Bjarnason og Björn Daníel Sverrisson spiluðu allan leikinn á miðju AGF og Kjartan Henry Finnbogason var í 90 mínútur í framlínu Horsens.

Horsens komst yfir í lok fyrri hálfleiks en AGF náði að jafna metin eftir rúmlega klukkutíma leik. Gambíumaðurinn Bubacarr Sanneh skoraði mark Horsens en Danny Olsen tryggði AGF jafntefli.

AGF var á heimavelli og er í verri málum þar sem liðið gætið dottið niður í fallsæti áður en umferðina klárast um helgina.

AGF vann síðast leik 12. september en liði hefur aðeins náð í tvö stig út úr síðustu fimm leikjum sínum í dönsku deildinni.

Horsens hefur aftur á móti náð í fjögur stig út úr síðustu tveimur leikjum og er fimm stigum á undan AGF í töflunni.