Ljósið hlýtur Samfélagsverðlaun Fréttablaðsins í ár Bjarki Ármannsson skrifar 17. mars 2016 15:40 Allir vinningshafar og tilnefndir. Vísir/Stefán Endurhæfingar- og stuðningsmiðstöðin Ljósið hlaut aðalverðlaun Samfélagsverðlauna Fréttablaðsins við hátíðlega athöfn á Hótel Reykjavík Natura í dag. Ólafur Ragnar Grímsson forseti veitti verðlaunin. Þetta er í ellefta sinn sem Samfélagsverðlaunin eru veitt. Ljósið er endurhæfingar- og stuðningsmiðstöð fyrir fólk sem hefur fengið krabbamein og aðstandendur þeirra. Markmið Ljóssins er að fólk fái sérhæfða endurhæfingu- og stuðning, þar sem fagfólk aðstoðar við að byggja upp líkamlegt og andlegt þrek, auk þess að fá stuðning við að setja sér markmið sem auka daglega virkni og hafa þannig áhrif á lífsgæði almennt. Aðrir sem tilnefndir voru til Samfélagsverðlaunanna voru Thorvaldsensfélagið og verkefnið Frú Ragnheiður. Draumasetrið hlaut verðlaunin í flokknum Hvunndagshetjan. Draumasetrið er áfangaheimili fyrir þá sem eru að koma úr meðferð til að ná áttum og komast út úr samfélagið á ný. Hjónin Ólafur Haukur Ólafsson og Elín Arna Arnardóttir reka Draumasetrið, þar sem hugmyndafræðin er að elska fólk til lífs. Setrið hefur verið starfrækt í nokkur ár án aðkomu ríkis eða sveitarfélaga. Þangað geta nokkrir tugir einstaklinga leitað eftir meðferðir, sem kannski fá ekki inni annars staðar eða eru jafnvel búnir að brenna allar brýr að baki sér. Íbúar greiða lága leigu, allir mæta á morgunfundi, sinna húsverkum og taka þátt. Íbúar búa við öryggi og skipulag, oft í fyrsta sinn á ævinni. Þau Hlín Baldvinsdóttir og Hermann Ragnarsson voru einnig tilnefnd í þessum flokki. Í flokknum Frá kynslóði til kynslóðar hlaut Dýrleif Skjóldal Ingimarsdóttir verðlaun fyrir óeigingjarnt og fórnfúst starf við sundþjálfun barna um nær tveggja áratuga skeið. Dýrleif hefur þjálfað sund hjá sundfélaginu Óðni í hartnær tuttugu ár. Það segir meira en mörg ár að sundæfingar í Glerárlaug á Akureyri ganga undir nafninu Dillusund. Fyrstu árin sinnti hún sundþjálfuninni í sjálfboðavinnu enda hefur sundiðkun barna verið henni hjartans mál um áratuga skeið. Hún lætur ekki nægja sér að kenna börnum sundtök heldur vinnur að því að efla sjálfstraust þeirra og sýna þeim að þau geta mun meira en þau halda sjálf. Hún heldur mót þar sem allir sigra og fá að kynnast því hvernig er að keppa. Sonur Dýrleifar, Steinar, veitti verðlaununum viðtöku fyrir hennar hönd en hún var að sjálfsögðu stödd fyrir norðan að halda utan um sundmót. Einnig hlutu tilnefningu Ólöf Kristín Sívertsen og Marita fræðslan. Heiðursverðlaunin hlutu stöllurnar í Á allra vörum. Þær Elísabet Sveinsdóttir, Gróa Ásgeirsdóttir og Guðný Pálsdóttir safna fyrir ýmsum mikilvægum málefnum. Frá árinu 2008 hafa þær safnað hundruðum milljóna í góðgerðarstörf og vakið verðskuldaða athygli á ýmsum málefnum. Verkefnin sem safnað hefur verið fyrir eru fjölmörg, Krabbameinsfélagið, Styrktarfélag krabbameinssjúkra barna, Ljósið, Neistinn, Leiðarljós, fyrir geðheilbrigðismál og nú síðast fyrir samtökin Erindi sem berjast fyrir bættum samskiptum meðal barna og unglinga þar sem safnað var fyrir samskiptasetri fyrir þá sem glíma við einelti, foreldra þerira og fjölskyldur. Hver söfnun hefur, ásamt því að laða að mikið fjármagn, vakið verðskuldaða athygli á málefninu hverju sinni. Þúsundir einstaklinga hafa þannig notið góðs af starfi Elísabetar, Gróu og Guðnýjar. Stöllurnar í Á alllra vörum hafa einnig verið öðrum sem sinna góðgerðarstarfi hvatning og fyrirmynd. Þá hlaut Sólveig Sigurðardóttir verðlaun í flokknum Til atlögu gegn fordómum. Sólveig hlaut verðlaunin fyrir starf við að eyða fordómum fyrir offitu og að vekja fjölda fólks til vonar um betra líf. Starf Sólveigar hefur vakið mikla athygli hérlendis sem erlendis og hún hefur verið fjölda fólks hvatning. Sólveig sjálf náði miklum árangri með heilsu sína fyrir fjórum árum. Hún glímdi við margskonar mein, en með fjölbreyttu mataræði, hreyfingu og andlegri uppbyggingu án öfga tókst hún á við sjúkdóma sína og er þannig góð fyrirmynd. Hún heldur úti Facebook síðu þar sem hún hefur mörg þúsund fylgjendur, auk þess sem hún heldur námskeið. Sólveig talar opinskátt um reynslu sína og miðlar mikilli hvatningu. Sólveig hefur verið virk í félagsstarfi fyrir þá sem vinna gegn offitu. Hún hefur gefið mörgum von um bata og styrk til að vinna í sínum sjúkdómum. Í flokknum voru einnig tilnefnd Tara Ösp Tjörvarsdóttir og fréttasíðan Iceland News Polska. Mest lesið Fjölskyldufaðir stunginn meðan sonurinn horfði á Innlent Fékk sex milljónum of há laun og neitaði að endurgreiða þau Innlent Þjóðhátíð í Eyjum: Farþegafjöldi í Herjólfi komi á óvart Innlent Vann skemmdir á golfvelli og skildi eftir smokk Innlent Sagði foreldrana líklega hafa dottið í aðdraganda andlátsins Innlent Tollar á vörur frá Íslandi verða 15 prósent samkvæmt forsetatilskipun Erlent Búast við þrumuveðri og vatnavöxtum Innlent Trump ræsir út kjarnorkukafbáta eftir „ögrandi“ ummæli Rússa Erlent Sakar sveitastjórann um atvinnuróg og „kæfandi klámhögg“ Innlent Annasamt ár á Bessastöðum: Kóngafólk, keisari, umtöluð undirskrift og brúnir skór Innlent Fleiri fréttir Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Sjá meira
Endurhæfingar- og stuðningsmiðstöðin Ljósið hlaut aðalverðlaun Samfélagsverðlauna Fréttablaðsins við hátíðlega athöfn á Hótel Reykjavík Natura í dag. Ólafur Ragnar Grímsson forseti veitti verðlaunin. Þetta er í ellefta sinn sem Samfélagsverðlaunin eru veitt. Ljósið er endurhæfingar- og stuðningsmiðstöð fyrir fólk sem hefur fengið krabbamein og aðstandendur þeirra. Markmið Ljóssins er að fólk fái sérhæfða endurhæfingu- og stuðning, þar sem fagfólk aðstoðar við að byggja upp líkamlegt og andlegt þrek, auk þess að fá stuðning við að setja sér markmið sem auka daglega virkni og hafa þannig áhrif á lífsgæði almennt. Aðrir sem tilnefndir voru til Samfélagsverðlaunanna voru Thorvaldsensfélagið og verkefnið Frú Ragnheiður. Draumasetrið hlaut verðlaunin í flokknum Hvunndagshetjan. Draumasetrið er áfangaheimili fyrir þá sem eru að koma úr meðferð til að ná áttum og komast út úr samfélagið á ný. Hjónin Ólafur Haukur Ólafsson og Elín Arna Arnardóttir reka Draumasetrið, þar sem hugmyndafræðin er að elska fólk til lífs. Setrið hefur verið starfrækt í nokkur ár án aðkomu ríkis eða sveitarfélaga. Þangað geta nokkrir tugir einstaklinga leitað eftir meðferðir, sem kannski fá ekki inni annars staðar eða eru jafnvel búnir að brenna allar brýr að baki sér. Íbúar greiða lága leigu, allir mæta á morgunfundi, sinna húsverkum og taka þátt. Íbúar búa við öryggi og skipulag, oft í fyrsta sinn á ævinni. Þau Hlín Baldvinsdóttir og Hermann Ragnarsson voru einnig tilnefnd í þessum flokki. Í flokknum Frá kynslóði til kynslóðar hlaut Dýrleif Skjóldal Ingimarsdóttir verðlaun fyrir óeigingjarnt og fórnfúst starf við sundþjálfun barna um nær tveggja áratuga skeið. Dýrleif hefur þjálfað sund hjá sundfélaginu Óðni í hartnær tuttugu ár. Það segir meira en mörg ár að sundæfingar í Glerárlaug á Akureyri ganga undir nafninu Dillusund. Fyrstu árin sinnti hún sundþjálfuninni í sjálfboðavinnu enda hefur sundiðkun barna verið henni hjartans mál um áratuga skeið. Hún lætur ekki nægja sér að kenna börnum sundtök heldur vinnur að því að efla sjálfstraust þeirra og sýna þeim að þau geta mun meira en þau halda sjálf. Hún heldur mót þar sem allir sigra og fá að kynnast því hvernig er að keppa. Sonur Dýrleifar, Steinar, veitti verðlaununum viðtöku fyrir hennar hönd en hún var að sjálfsögðu stödd fyrir norðan að halda utan um sundmót. Einnig hlutu tilnefningu Ólöf Kristín Sívertsen og Marita fræðslan. Heiðursverðlaunin hlutu stöllurnar í Á allra vörum. Þær Elísabet Sveinsdóttir, Gróa Ásgeirsdóttir og Guðný Pálsdóttir safna fyrir ýmsum mikilvægum málefnum. Frá árinu 2008 hafa þær safnað hundruðum milljóna í góðgerðarstörf og vakið verðskuldaða athygli á ýmsum málefnum. Verkefnin sem safnað hefur verið fyrir eru fjölmörg, Krabbameinsfélagið, Styrktarfélag krabbameinssjúkra barna, Ljósið, Neistinn, Leiðarljós, fyrir geðheilbrigðismál og nú síðast fyrir samtökin Erindi sem berjast fyrir bættum samskiptum meðal barna og unglinga þar sem safnað var fyrir samskiptasetri fyrir þá sem glíma við einelti, foreldra þerira og fjölskyldur. Hver söfnun hefur, ásamt því að laða að mikið fjármagn, vakið verðskuldaða athygli á málefninu hverju sinni. Þúsundir einstaklinga hafa þannig notið góðs af starfi Elísabetar, Gróu og Guðnýjar. Stöllurnar í Á alllra vörum hafa einnig verið öðrum sem sinna góðgerðarstarfi hvatning og fyrirmynd. Þá hlaut Sólveig Sigurðardóttir verðlaun í flokknum Til atlögu gegn fordómum. Sólveig hlaut verðlaunin fyrir starf við að eyða fordómum fyrir offitu og að vekja fjölda fólks til vonar um betra líf. Starf Sólveigar hefur vakið mikla athygli hérlendis sem erlendis og hún hefur verið fjölda fólks hvatning. Sólveig sjálf náði miklum árangri með heilsu sína fyrir fjórum árum. Hún glímdi við margskonar mein, en með fjölbreyttu mataræði, hreyfingu og andlegri uppbyggingu án öfga tókst hún á við sjúkdóma sína og er þannig góð fyrirmynd. Hún heldur úti Facebook síðu þar sem hún hefur mörg þúsund fylgjendur, auk þess sem hún heldur námskeið. Sólveig talar opinskátt um reynslu sína og miðlar mikilli hvatningu. Sólveig hefur verið virk í félagsstarfi fyrir þá sem vinna gegn offitu. Hún hefur gefið mörgum von um bata og styrk til að vinna í sínum sjúkdómum. Í flokknum voru einnig tilnefnd Tara Ösp Tjörvarsdóttir og fréttasíðan Iceland News Polska.
Mest lesið Fjölskyldufaðir stunginn meðan sonurinn horfði á Innlent Fékk sex milljónum of há laun og neitaði að endurgreiða þau Innlent Þjóðhátíð í Eyjum: Farþegafjöldi í Herjólfi komi á óvart Innlent Vann skemmdir á golfvelli og skildi eftir smokk Innlent Sagði foreldrana líklega hafa dottið í aðdraganda andlátsins Innlent Tollar á vörur frá Íslandi verða 15 prósent samkvæmt forsetatilskipun Erlent Búast við þrumuveðri og vatnavöxtum Innlent Trump ræsir út kjarnorkukafbáta eftir „ögrandi“ ummæli Rússa Erlent Sakar sveitastjórann um atvinnuróg og „kæfandi klámhögg“ Innlent Annasamt ár á Bessastöðum: Kóngafólk, keisari, umtöluð undirskrift og brúnir skór Innlent Fleiri fréttir Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Sjá meira