Hermann og Þorvaldur ekki í leikbann

Þeir Hermann Hreiðarsson og Þorvaldur Örlygsson þurfa ekki að taka út leikbann vegna hegðun sinnar en málum þeirra var vísað til aganefndar KSÍ.

Fjallað var um mál beggja í fjölmiðlum. Máli Þorvaldar, sem þjálfar Keflavík, var vísað til aganefndar eftir að hann sló Reyni Leósson, þjálfara HK, í punginn eftir leik liðanna.

Sjá einnig: Þorvaldur virðist kýla Reyni í punginn

Þá tók Hermann Hreiðarsson, þjálfari Fylkis, stjórnarmann ÍBV hálstaki eftir leik liðanna í Pepsi-deild karla. Eftir að atvikið kom upp sakaði stjórnarmaður knattspyrnudeildar Fylkis fjölmiðla um að hafa Hermann sem skotspón.

Sjá einnig: Hermann tók stjórnarmann ÍBV hálstaki eftir leik: „etta lýsir honum vel

Klara Bjartmarz, framkvæmdastjóri KSÍ, vísaði báðum málum til aganefndar og voru Fylkir og Keflavík sektuð um 75 þúsund krónur hvort vegna framkomu þjálfara liðanna.