Tengsl Beckham hjónanna við Björgólf og Kristínu

Beckham-hjónin þekkja Björgúlf og Kristínu í gegnum börn sín sem eru saman í skóla. Hjónin lentu á Reykjarvíkurflugvelli á einkaflugvél á fimmtudagskvöld.

Meðal þess sem þau höfðu fyrir stafni var að kíkja niður í Þríhnjúkagíg þar sem bassaleikari hljómsveitarinnar Hjaltalín smellti af sér einni sjálfu með fótboltagoðsögninni. En Guðmundur Óskar var fenginn ásamt söngkonunni Sigríði Thorlacius til þess að flytja tónlist fyrir gestina ofan í gígnum.

David skellti sér svo í vöðlurnar og veiddi að minnsta kosti eitt stykki lax. Herlegheitunum deildi kappinn að sjálfsögðu á Instagram. Elsti sonur þeirra hjóna, Brooklyn var einnig nokkuð duglegur á samfélagsmiðlinum á meðan á dvölinni stóð og birti meðal annars af sér mynd krjúpandi á snjóbreiðu.

Þeim David og Björgúlfi virðist vera vel til vina því á síðasta ári birtist einmitt mynd af þeim þar sem þeir höfðu skellt sér saman á íshokkíleik í Los Angeles.