Bíó og sjónvarp

Jon Snow varð ástfanginn á Íslandi

Stefán Árni Pálsson skrifar
Rose Leslie og Kit Harrington urðu ástfangin á Íslandi.
Rose Leslie og Kit Harrington urðu ástfangin á Íslandi. vísir

Kit Harington fer með eitt af aðalhlutverkinu í þáttunum Game of Thrones og leikur hann Jon Snow. Eins og flestir vita eru þættirnir þeir allra vinsælustu í heiminum og horfa milljónir manna á þá í hverri viku.



Harington er í ítarlegu viðtali í nýjasta tölublaði ítalska Vogue og talar hann þar um heimsókn sína til Íslands en tökur í Game of Thrones hafa áður farið fram hér á landi. Hann segir að besta minning hans við vinnslu þáttanna sé frá Íslandi þegar verið var að taka upp aðra seríu.



„Þessar þrjár vikur á Íslandi eru bestu minningar mínar úr þáttunum. Landið er ótrúlega fallegt og norðurljósin töfrum líkust. Þar varð ég einnig ástfanginn,“ segir Haringtonsem er í dag í sambandi með Rose Leslie sem lék á móti honum í þáttunum.



Leslie fór með hlutverk Ygritte og var frægt ástatriði þeirra í þáttunum meðal annars tekið upp í helli í Grjótagjá.



Hér að neðan má sjá innslag sem Ísland í dag gerði af tökustað Game of Thrones í nóvember 2011. Þar segja höfundar þáttanna og framleiðendur frá tökunum á Íslandi og sést Kit Harrington meðal annars bregða fyrir í fullum skrúða.

Hér fyrir neðan má síðan sjá hluta af ástaratriði þeirra Jon Snow og Ygritte sem tekið var upp í hellinum Grjótagjá í Mývatnssveit.


Tengdar fréttir

Framundan er söguleg barátta

Davíð Oddsson gefur kost á sér í embætti forseta. Andri Snær segir valmöguleikana skýra og fólk eigi kost á nýrri framtíðarsýn. Ólafur Ragnar svarar því ekki með vissu hvort hann verði í framboði í sumar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.