Draumur sveitastelpu rætist Elín Albertsdóttir skrifar 1. október 2016 10:00 Anna Þuríður segir að gamall draumur hafi ræst þegar hún fékk tækifæri til að syngja inn á plötu með Birni Thor gítarleikara. Platan er nýkomin út. MYND/ANTON BRINK Bolvíkinginn Önnu Þuríði Sigurðardóttur hefur dreymt um að syngja opinberlega frá því að hún var barn. Sá draumur hefur ræst því Anna syngur á nýrri plötu Björns Thoroddsen. Upptakan fór fram í Nashville. Anna Þuríður sem er að stíga sín fyrstu skref á ferlinum segir að það hafi verið einstaklega ánægjulegt að vinna að plötunni. „Ég kynntist Birni þegar hann kom til Bolungarvíkur með Bítlatónleikana sína. Það var sumarið 2015 og hann vantaði söngkonu með sér á tónleikunum. Benni Sig sem heldur utan um tónleikahald á Bolungarvík benti á mig. Um haustið hafði Björn aftur samband og spurði hvort ég væri til í að koma í stúdíó í smá demó-upptöku. Ég vissi ekkert fyrir hvað það var. Síðan hringdi hann aftur og bauð mér að vera með sér á plötunni.“Allir þekkja alla Anna Þuríður stundar nám í Háskóla Íslands í íþrótta- og heilsufræði. Hún býr í borginni meðan á námi stendur. „Ég byrjaði að syngja þegar ég var pínulítil, kem úr mjög söngelskri fjölskyldu. Við vorum alltaf að syngja þótt það væri ekki opinberlega. Ég hef líka sungið í kórum og æfði söng á tímabili hjá Bjarneyju Ingibjörgu Gunnlaugsdóttur. Stundum þegar eitthvað var að gerast á Bolungarvík var ég beðin að syngja en þetta er lítill bær og allir þekkja alla,“ segir Anna Þuríður sem ólst upp á sveitabæ í Önundarfirði en flutti til Bolungarvíkur árið 2002 með foreldrum sínum, þá fjórtán ára. „Það var nokkuð mikil breyting að flytja frá sveitabæ í þorp.“Hópurinn sem kom að plötunni í Nashville. Frá hægri Tammy King, Brian Allen, Anna Bjössi Thor, Robben Ford, Jerru Douglas, Rick Wheeler, Erlingur Óttar og Wes Little.Björn Thor hafði verið að leita að söngkonu og sendi demó-upptökuna til Bandaríkjanna en hann var í samstarfi við Robben Ford sem er vel þekkt nafn í tónlistarheiminum í Bandaríkjunum. Ford hefur unnið með stórstjörnum á borð við George Harrison, Joni Mitchell og Miles Davis. Honum leist vel á rödd þessarar ungu söngkonu frá Bolungarvík. Það varð því úr að Anna fór með Birni til Nashville.Draumur að rætast „Þetta var draumur að rætast og ég trúðu þessu varla fyrst. Þetta er það skemmtilegasta sem ég hef gert,“ segir Anna. „Þetta eru kántrírokklög sem voru tekin upp í hjarta þessarar tónlistar. Ég hafði aldrei komið til Nashville eða Bandaríkjanna og maður fékk alveg rétta andann yfir sig þarna. Nashville er alveg eins og í bíómyndum, kúrekastígvél og hattar áberandi. Við unnum með þvílíkt flottum listamönnum þarna og ég er búin að læra meira á þessu eina ári sem liðið er heldur en alla ævi fram að því,“ segir Anna Þuríður. Plata Björns þykir frábrugðin flestu því sem hann hefur áður gert.Góð saman. Robben Ford, Bjössi Thor, Anna Þuríður.Nú þegar hafa Anna og Björn haldið tvenna tónleika, fyrst á Grenivík og síðan í Bolungarvík. Næst á dagskrá eru útgáfutónleikar í Háskólabíói 22. október. Það verður í fyrsta skipti sem Anna Þuríður kemur fram á stóru sviði. „Ég reyni að halda mér á jörðinni en ég er mjög spennt fyrir þessu kvöldi. Svo erum við að undirbúa tónleikaferðalag. Ég vona innilega að ég fái fleiri tækifæri í söngnum,“ segir hún. „Það væri algjör draumur að starfa við þetta.“ Anna Þuríður segist vera mikill Eurovision-aðdáandi og hefur alla tíð dreymt um að syngja í keppninni. „Eurovision er heilagt í mínum huga,“ segir hún en íþróttir eru líka stórt áhugamál hjá henni ásamt hestamennsku. Mest lesið Af vængjum fram: „Ég er að breytast í dreka hérna með þér“ Lífið Binni Glee hrundi til jarðar í Köben Lífið Fréttatía vikunnar: Forsetakosningar, ókyrrð og kisur Lífið Alltaf að stela fötum af kærastanum Tíska og hönnun Stofutónleikar Bubba og Víkings Heiðars til stuðnings Katrínu Lífið Ganga 111 kílómetra til styrktar börnum í Gasa Lífið „Parkinn er þannig að hann étur menn upp ef þeir ekki hreyfa sig“ Lífið Balti hélt að Pálmi myndi aldrei mæta Bíó og sjónvarp Af vængjum fram: Borðaði vængi með hníf og gaffli og sagðist vera saddur Lífið Sitt sýnist hverjum um nýja mynd af Katrínu Lífið Fleiri fréttir Ganga 111 kílómetra til styrktar börnum í Gasa Fréttatía vikunnar: Forsetakosningar, ókyrrð og kisur Af vængjum fram: „Ég er að breytast í dreka hérna með þér“ Heimsóttu 160 battavelli á átta dögum Forsetaáskorunin: Innbrotsþjófurinn reyndist vera mamman Stofutónleikar Bubba og Víkings Heiðars til stuðnings Katrínu „Parkinn er þannig að hann étur menn upp ef þeir ekki hreyfa sig“ Sitt sýnist hverjum um nýja mynd af Katrínu Binni Glee hrundi til jarðar í Köben Eitt mesta átvagl sögunnar hætt að keppa: „Ekki lengur svangur“ Sumarleg pitaya-skál frá Balí sem þú verður að prófa Af vængjum fram: Borðaði vængi með hníf og gaffli og sagðist vera saddur Opnar sig um ofbeldið af hálfu Diddy Bæjarstjórn Garðabæjar ætlar að reisa styttu af kettinum Sushi Myndaveisla: Hlátrasköll ómuðu um Elliðaárdal Snerting Egils Ólafssonar við lífið og tilveruna Forsetaáskorunin: Álíka nagli og Jason Statham Davíð Smári og Kolla selja glæsilega útsýnishæð Styrkja kaup á sérhönnuðu listaverki Ólafs Elíassonar Eigendur Sportvörur.is selja einbýlið í Garðabæ Eins árs leikhússkóli fyrir ungt fólk stofnaður í Þjóðleikhúsinu Segir konur fórna líkama sínum og heilsu á meðgöngu Nefnir nautin eftir þekktum íslenskum röppurum og Bent er alltaf með eitthvað vesen Svaraði engu um Affleck Alexandra greifynja breytir nafninu Birnir og Bríet gefa saman út plötu Einn stofnenda Train er látinn Forsetaáskorunin: Fraus á fyrsta Ted fyrirlestrinum en fann sig í augum Sally Fields Rakel María fann draumaprinsinn Tvöföld vandræði fyrir Doctor Victor Sjá meira
Bolvíkinginn Önnu Þuríði Sigurðardóttur hefur dreymt um að syngja opinberlega frá því að hún var barn. Sá draumur hefur ræst því Anna syngur á nýrri plötu Björns Thoroddsen. Upptakan fór fram í Nashville. Anna Þuríður sem er að stíga sín fyrstu skref á ferlinum segir að það hafi verið einstaklega ánægjulegt að vinna að plötunni. „Ég kynntist Birni þegar hann kom til Bolungarvíkur með Bítlatónleikana sína. Það var sumarið 2015 og hann vantaði söngkonu með sér á tónleikunum. Benni Sig sem heldur utan um tónleikahald á Bolungarvík benti á mig. Um haustið hafði Björn aftur samband og spurði hvort ég væri til í að koma í stúdíó í smá demó-upptöku. Ég vissi ekkert fyrir hvað það var. Síðan hringdi hann aftur og bauð mér að vera með sér á plötunni.“Allir þekkja alla Anna Þuríður stundar nám í Háskóla Íslands í íþrótta- og heilsufræði. Hún býr í borginni meðan á námi stendur. „Ég byrjaði að syngja þegar ég var pínulítil, kem úr mjög söngelskri fjölskyldu. Við vorum alltaf að syngja þótt það væri ekki opinberlega. Ég hef líka sungið í kórum og æfði söng á tímabili hjá Bjarneyju Ingibjörgu Gunnlaugsdóttur. Stundum þegar eitthvað var að gerast á Bolungarvík var ég beðin að syngja en þetta er lítill bær og allir þekkja alla,“ segir Anna Þuríður sem ólst upp á sveitabæ í Önundarfirði en flutti til Bolungarvíkur árið 2002 með foreldrum sínum, þá fjórtán ára. „Það var nokkuð mikil breyting að flytja frá sveitabæ í þorp.“Hópurinn sem kom að plötunni í Nashville. Frá hægri Tammy King, Brian Allen, Anna Bjössi Thor, Robben Ford, Jerru Douglas, Rick Wheeler, Erlingur Óttar og Wes Little.Björn Thor hafði verið að leita að söngkonu og sendi demó-upptökuna til Bandaríkjanna en hann var í samstarfi við Robben Ford sem er vel þekkt nafn í tónlistarheiminum í Bandaríkjunum. Ford hefur unnið með stórstjörnum á borð við George Harrison, Joni Mitchell og Miles Davis. Honum leist vel á rödd þessarar ungu söngkonu frá Bolungarvík. Það varð því úr að Anna fór með Birni til Nashville.Draumur að rætast „Þetta var draumur að rætast og ég trúðu þessu varla fyrst. Þetta er það skemmtilegasta sem ég hef gert,“ segir Anna. „Þetta eru kántrírokklög sem voru tekin upp í hjarta þessarar tónlistar. Ég hafði aldrei komið til Nashville eða Bandaríkjanna og maður fékk alveg rétta andann yfir sig þarna. Nashville er alveg eins og í bíómyndum, kúrekastígvél og hattar áberandi. Við unnum með þvílíkt flottum listamönnum þarna og ég er búin að læra meira á þessu eina ári sem liðið er heldur en alla ævi fram að því,“ segir Anna Þuríður. Plata Björns þykir frábrugðin flestu því sem hann hefur áður gert.Góð saman. Robben Ford, Bjössi Thor, Anna Þuríður.Nú þegar hafa Anna og Björn haldið tvenna tónleika, fyrst á Grenivík og síðan í Bolungarvík. Næst á dagskrá eru útgáfutónleikar í Háskólabíói 22. október. Það verður í fyrsta skipti sem Anna Þuríður kemur fram á stóru sviði. „Ég reyni að halda mér á jörðinni en ég er mjög spennt fyrir þessu kvöldi. Svo erum við að undirbúa tónleikaferðalag. Ég vona innilega að ég fái fleiri tækifæri í söngnum,“ segir hún. „Það væri algjör draumur að starfa við þetta.“ Anna Þuríður segist vera mikill Eurovision-aðdáandi og hefur alla tíð dreymt um að syngja í keppninni. „Eurovision er heilagt í mínum huga,“ segir hún en íþróttir eru líka stórt áhugamál hjá henni ásamt hestamennsku.
Mest lesið Af vængjum fram: „Ég er að breytast í dreka hérna með þér“ Lífið Binni Glee hrundi til jarðar í Köben Lífið Fréttatía vikunnar: Forsetakosningar, ókyrrð og kisur Lífið Alltaf að stela fötum af kærastanum Tíska og hönnun Stofutónleikar Bubba og Víkings Heiðars til stuðnings Katrínu Lífið Ganga 111 kílómetra til styrktar börnum í Gasa Lífið „Parkinn er þannig að hann étur menn upp ef þeir ekki hreyfa sig“ Lífið Balti hélt að Pálmi myndi aldrei mæta Bíó og sjónvarp Af vængjum fram: Borðaði vængi með hníf og gaffli og sagðist vera saddur Lífið Sitt sýnist hverjum um nýja mynd af Katrínu Lífið Fleiri fréttir Ganga 111 kílómetra til styrktar börnum í Gasa Fréttatía vikunnar: Forsetakosningar, ókyrrð og kisur Af vængjum fram: „Ég er að breytast í dreka hérna með þér“ Heimsóttu 160 battavelli á átta dögum Forsetaáskorunin: Innbrotsþjófurinn reyndist vera mamman Stofutónleikar Bubba og Víkings Heiðars til stuðnings Katrínu „Parkinn er þannig að hann étur menn upp ef þeir ekki hreyfa sig“ Sitt sýnist hverjum um nýja mynd af Katrínu Binni Glee hrundi til jarðar í Köben Eitt mesta átvagl sögunnar hætt að keppa: „Ekki lengur svangur“ Sumarleg pitaya-skál frá Balí sem þú verður að prófa Af vængjum fram: Borðaði vængi með hníf og gaffli og sagðist vera saddur Opnar sig um ofbeldið af hálfu Diddy Bæjarstjórn Garðabæjar ætlar að reisa styttu af kettinum Sushi Myndaveisla: Hlátrasköll ómuðu um Elliðaárdal Snerting Egils Ólafssonar við lífið og tilveruna Forsetaáskorunin: Álíka nagli og Jason Statham Davíð Smári og Kolla selja glæsilega útsýnishæð Styrkja kaup á sérhönnuðu listaverki Ólafs Elíassonar Eigendur Sportvörur.is selja einbýlið í Garðabæ Eins árs leikhússkóli fyrir ungt fólk stofnaður í Þjóðleikhúsinu Segir konur fórna líkama sínum og heilsu á meðgöngu Nefnir nautin eftir þekktum íslenskum röppurum og Bent er alltaf með eitthvað vesen Svaraði engu um Affleck Alexandra greifynja breytir nafninu Birnir og Bríet gefa saman út plötu Einn stofnenda Train er látinn Forsetaáskorunin: Fraus á fyrsta Ted fyrirlestrinum en fann sig í augum Sally Fields Rakel María fann draumaprinsinn Tvöföld vandræði fyrir Doctor Victor Sjá meira