Tveir lögreglumenn skotnir til bana í Bandaríkjunum

Tveir lögreglumenn voru skotnir til bana í Bandaríkjunum í gær. SVT greinir frá því að árásirnar hafi átt sér stað í Texas og Missouri, en ekki virðist vera samband á milli þeirra.

Báðir lögreglumennirnir sátu í bílum sínum þegar þeir voru skotnir, en sá sem grunaður er um að hafa skotið lögreglumanninn í Missouri svipti sig lífi eftir bardaga við lögreglu.

Auk árásanna tveggja særðist lögreglumaður í Flórída, en þó ekki alvarlega.

Alls hafa 57 bandarískir lögreglumenn beðið bana í skotárásum það sem af er ári, sem er 68 prósenta aukning frá fyrra ári.