Jonathan Cheban spókaði sig um í 66°Norður úlpu í New York

Jonathan Cheban, besti vinur Kim Kardashian, spókaði sig um New York borg í gær og kynnti 66°Norður úlpuna fyrir fylgjendum sínum á Snapchat.

Cheban vakti mikla athygli þegar hann mætti til Íslands ásamt Kanye West og Kardashian-genginu fyrr á þessu ári.

Í heimsókn sinni keypti hann sér Þórsmörk Parka úlpuna frá íslenska fyrirtækinu. Cheban er með tugþúsundir fylgjenda á Snapchat og sjást svona kynningar í auknum mæli hjá fyrirtækjum um heim allan.

Til að fylgjast með Cheban á Snapchat þarf bara að bæta honum með notendanafninu JonathanCheban.

Gríðarlega mikið var fjallað um Cheban hér á Vísi á sínum tíma og má skoða fréttirnar allar hér að neðan.