Til að byrja með gisti hópurinn á 101 Hótel á sunnudagskvöldið og fluttu sig síðan yfir á gistu á Hótel Rangá kvöldið eftir. Á ferð sinni hafa þau skoðað Gullfoss og Geysi, Seljalandsfoss og flogið upp á jökul með þyrlu.
Tilgangur heimsóknar fjölskyldunnar er að taka upp tónlistarmyndband við eitt af lögunum á nýútkominni plötu Kanye, The Life of Pablo, en á huldu er um hvaða lag er að ræða. Platan kom út 14. febrúar síðastliðinn og er sjöunda plata rapparans.
Í gærkvöldi fór Kourtney í Bláa Lónið ásamt Jonathan Cheban og aðstoðarmanni sínum. Hún greindi frá þessu á Instagram og var Cheban virkur á Snapchat að vanda. Þau borðuðu á veitingarstaðnum í Bláa Lóninu og það eftir hefðbundinn opnunartíma. Því fengu þau staðinn algjörlega útaf fyrir sig.
Hér að neðan má sjá myndband af heimsókn þeirra í Bláa Lónið.
