1400 manns fluttir frá einangruðum bæ

Björgunarsveitir á Nýja Sjálandi eru nú að flytja um 1400 íbúa og ferðamenn frá bænum Kaikoura á Suðureyju en bærinn varð einna verst út úr jarðskjálftunum sem dunið hafa á svæðinu síðustu daga.

Fjórar stórar þyrlur frá flugher landsins koma að aðgerðinni en hingað til hefur gengið erfiðlega að komast til fólksins sökum slæms veðurs. Bærinn, sem er norðaustur af borginni Christchurch er einangraður vegna fjölda aurskriða sem fallið hafa á vegina sem þangað liggja.

Aðeins búa um 200 manns í bænum sem er vinsæll áfangastaður vegna hvalaskoðunarferða. Hundruð eftirskjálfta hafa komið í kjölfar stóra skjálftans á sunnudag og er tjónið á vegakerfinu og raforkuverinu mikið. Tvær létust í hamförunum.