Níu ára fangelsi fyrir aðild að umfangsmiklu norrænu smyglmáli

Fjörutíu og fimm ára norskur karlmaður, búsettur í Stafangri, hefur verið dæmdur í níu ára fangelsi fyrir aðild að umfangsmiklu smyglmáli þar í landi. Maðurinn var sakaður um að hafa reynt að smygla rúmlega 21 kílói af amfetamíni frá Danmörku til Noregs í september árið 2012.

Aftonbladed greinir frá því að maðurinn hafi verið tengdur stórum fíkniefnahring á Norðurlöndunum, og að rannsókn lögreglu hafi verið afar viðamikil. RÚV greindi fyrst frá og segir að Guðmundur Ingi Þóroddsson,  hafi af norskum yfirvöldum verið talinn höfuðpaurinn í smyglhringnum.

Guðmundur afplánar nú tólf ára dóm hér á landi, sem hann hlaut í Danmörku árið 2013, fyrir aðild sína að málinu. Þá segir að norski maðurinn, sem neitaði sök, hafi játað að hafa átt í samskiptum við Guðmund Inga, en að þau hafi snúist um sterasmygl.

Þrír Íslendingar voru handteknir á sama tíma og Norðmaðurinn, grunaðir um að hafa tekið þátt í að skipuleggja smyglið. Alls voru tíu Íslendingar, Norðmenn, Danir, Frakki og Sílebúi grunaðir um að hafa ætlað að smygla 67 kílóum af amfetamíni frá Hollandi til Danmerkur, að því er segir á vef RÚV.

Norski maðurinn hyggst áfrýja dómnum.