Belgísk stjórnvöld ná samkomulagi við Vallóna

Belgísk stjórnvöld hafa náð samkomulagi við héraðsstjórnir í Vallóníu til að leysa megi þá pattstöðu sem komin er upp varðandi samþykkt fríverslunarsamnings ESB og Kanada. Reuters greinir frá.

Vallónar settu sig upp á móti undirritun samningsins vegna ákvæða sem snúa að umhverfismálum, landbúnaðar, atvinnu- og neytendamálum. Þetta leiddi til að Belgar gátu ekki samþykkt samninginn og þar með ekki ESB heldur.

Til stóð að undirrita samninginn í dag, en vegna þeirrar stöðu sem kom upp frestaði Justin Trudeau, forsætisráðherra Kanada, för sinni til Brussel.

Charles Michel, forsætisráðherra Belgíu, greindi frá því í dag að ríkisstjórn Belgíu og héraðsstjórnirnar hefðu sammælst um sameiginlegan texta um þá þætti varðandi innflutning á landbúnaðarvörum og fleira í samningnum sem Vallónar höfðu sett sig upp á móti.

Önnur aðildarríki ESB þurfa að samþykkja hverja þá fyrirvara sem belgísk stjórnvöld gera varðandi fríverslunarsamningurinn áður en hann verður undirritaður.