Gummi sagði Drinkwater-brandara og Rikki G sprakk úr hlátri | Myndband

Níu leikir fóru fram í riðlakeppni Meistaradeildar Evrópu í kvöld.

Farið var yfir alla leikina í Meistaradeildarmessunni en þar naut Guðmundur Benediktsson aðstoðar bræðranna Bjarna og Jóhannesar Karls Guðjónssona.

Í eitt skiptið þegar skipt var yfir á leik Club Brugge og Leicester City átti Danny Drinkwater skot sem markvörður Belganna, Ludovic Butelle, varði í horn.

Gummi Ben notaði tækifærið og fékk sér vatnssopa þegar hann sagði nafn Drinkwaters.

Strákunum í setti var skemmt en það fannst engum þetta jafn fyndið og Ríkharð Óskar Guðnasyni sem sá um að lýsa því sem fyrir augu bar í leikjunum.

Rikki átti erfitt með sig og gat varla lýst tveimur atvikum vegna hláturskasts.

Þessa skemmtilegu uppákomu má sjá í spilaranum hér að ofan.