Fyrsta konan til að fara alla brautina

Jessie Graff hefur sett enn eitt metið í þáttunum America Ninja Warrior. Í gær varð hún fyrsta konan til að klára braut sem kallast Stage 1 í úrslitum þáttaraðarinnar í Las Vegas. Graff, sem er fyrrverandi stangastökkvari, starfar sem áhættuleikkona við þættina Super Girl og hefur vakið gífurlega athygli fyrir framistöðu sína í ANW.

Eftir daginn var Graff í fjórða sæti en úrslitin halda áfram í næstu viku. Myndand af frammistöðu hennar má sjá hér að neðan.

Graff vakti einnig mikla athygli fyrr á árinu þegar hún komst í úrslit þáttanna. Þá setti hún hraðamet á brautinni í Los Angels og var klædd sem ofurhetjan Wonder Woman. Graff keppir reglulega í þáttunum í ofurhetjubúningum.

Hún keppti einnig í ANW í fyrra og komst þá ekki í gegnum lokaþraut brautarinnar.

Thank you so much @reallifeninja @geoffbritten @kingdom_ninja for saying such nice things about me! Watch us all tonight on @nbcninjawarrior at 8/7 c!

A video posted by jessie graff (@jessiegraffpwr) on Aug 29, 2016 at 1:16pm PDT