Ótrúleg breyting á konu sem missti 92 kíló á tveimur árum

Fyrir tveimur árum byrjaði Simone vegferð sína í áttina að betra lífi. Hún hafði glímt við ofþyngd í mörg ár og breytti alfarið um lífstíl.

Þá var hún 169 kíló og er í dag 77 kíló. Simone myndaði ferlið vel og hefur nú útbúið myndband þar sem sjá má hvernig hlutirnir þróuðust hjá henni.

„Ég er ótrúlega stolt af hverju einasta skrefi sem ég tók í þessari baráttu,“ segir Simone í Facebook-færslu þar sem hún birtir myndbandið.

Hún segist hafa þurft að yfirstíga ákveðna hindrun þegar hún ákvað að birta myndbandið opinberlega. Hér að neðan má sjá hvernig konan hefur breyst á þessum tveimur árum.