Selena Gomez skellti Corden í rússíbana og neyddi hann til að taka skot

James Corden og tónlistarkonan Selena Gomez  fóru á rúntinn um Los Angeles á dögunum en hann keyrir oft með stjörnum um alla borg í dagskrálið sem nefnist Carpool Karaoke.

Corden stýrir þættinum The Late Late Show vestanhafs en þau keyrðu saman dágóða stund, sungu nokkur lög og virtust skemmta sér vel. Gomez ákvað samt að stöðva rúntinn og henda Bretanum í rússíbana í borginni, og það engan smá rússíbana.

Gomez var á því að sniðugt væri fyrir Corden að taka engiferskot, til að hann yrði nú aldrei veikur.

Mikið hungur tók yfir hjá vinunum og var því ákveðið að skella sér á McDonald's og úðað í sig hamborgara. Hér að neðan má sjá myndband frá þessum skemmtilega rúnti.