J. Lo og J. Co á rúntinum: Tryggði ekki á sér afturendann en rassinn á Corden er vel tryggður

James Corden og söngkonan Jennifer Lopez fóru á rúntinn um Los Angeles á dögunum en hann keyrir oft með stjörnum um alla borg í dagskrálið sem nefnist Carpool Karaoke.

Corden stýrir þættinum The Late Late Show vestanhafs en þau keyrðu um saman og sungu nokkur vel valinn lög eftir poppdívuna.

Corden kom fram með þá hugmynd að þau myndu stofna rappsveit, J-Lo og J-Co. Orðrómur hefur verið í Hollywood að Jennifer Lopez hafi á sínum tíma tryggt afturendann á sér fyrir eina milljón dollara. Þegar hann spurði hana út í það heyrðist; „NEI!!! Hver gerir það?“

Fram kom í samtali þeirra að Lopez hafi fengið fimm bónorð um ævina en aðeins sagt já við þremur þeirra. „Maður segir bara nei,“ segir hún en það hefur gerst í tvígang.

Frægasta manneskjan í símaskrá Lopez var líklega Leonardo Dicaprio og fékk Corden að senda honum sms. Hann sendi; „Hæ elskan. Mér líður eins og ég þurfi að sletta úr klaufunum. Ertu með einhverjar tillögur? Láttu mig vita.“

Leo svaraði: „Ertu að meina í kvöld? Djamm?“