Harpa hetja Stjörnunnar í Eyjum

Stjarnan er á toppi Pepsi-deildar kvenna eftir 1-0 sigur á ÍBV í Vestmannaeyjum í dag. Harpa Þorsteinsdóttir reyndist hetjan.

Staðan var markalaus í hálfleik, en eftir 54. mínútna leik kom fyrsta markið. Það gerði markadrottningin Harpa Þorsteinsdóttir.

Stjarnan hélt út og náði því að landa öflugum sigri, en liðið hefur ekki tapað leik í fyrstu fjórum umferðunum.

Þær eru á toppnum með tíu stig, en ÍBV er einungis með einn sigur í fyrstu þremur leikjunum og eru í sjöunda sætinu.

Úrslit eru fengin frá fótbolta.net.