Umfjöllun, viðtöl, myndir og einkunnir: Stjarnan - Fylkir 2-0 | Veigar gerði gæfumuninn Ingvi Þór Sæmundsson á Samsung-vellinum í Garðabæ skrifar 2. maí 2016 22:00 Veigar Páll fagnar í kvöld. vísir/ernir Veigar Páll Gunnarsson tryggði Stjörnunni öll þrjú stigin gegn Fylki í leik liðanna í 1. umferð Pepsi-deildar karla í kvöld. Leikurinn var heldur tíðindalítill en vendipunktur leiksins kom á 78. mínútu. Stjörnumenn fengu þá aukaspyrnu við vítateigslínuna eftir að Ásgeir Eyþórsson braut á Ævari Inga Jóhannessyni sem var kominn einn í gegn. Ásgeir fékk að líta sitt annað gula spjald og þar með rautt og Veigar skoraði með fallegu skoti beint úr aukaspyrnunni. Veigar bætti svo öðru marki við átta mínútum síðar og gulltryggði sigur Garðbæinga.Af hverju vann Stjarnan? Mikið hefur verið talað um breiddina í Stjörnuliðinu og hvort hún geti mögulega skapað vandræði fyrir Rúnar Pál Sigmundsson, þjálfara liðsins. Svo gæti vel farið en í kvöld var breiddin, og gæðin, í leikmannahópnum til þess að Stjarnan vann leikinn. Á varamannabekk Garðbæinga voru fjórir fyrrverandi atvinnumenn og þrír leikmenn sem hafa leikið A-landsleik. Og einn þeirra, Veigar Páll, kom inn á og gerði útslagið með tveimur frábærum mörkum. Það er ekki amalegt fyrir Rúnar Pál að geta skipt mönnum eins og Veigari Páli, Jeppe Hansen og Halldóri Orra Björnssyni inn á þegar hlutirnir eru ekki að ganga í sókninni.Þessir stóðu upp úr Augljóslega Veigar Páll en áður en hann kom inn á var Eyjólfur Héðinsson manna líklegastur. Eyjólfur spilaði sinn fyrsta leik á Íslandi frá 2006 og var virkilega sprækur og komst nokkrum sinnum nálægt því að skora. Annars var varnarleikur Stjörnunnar flottur og samvinna Grétars Sigfinns Sigurðarsonar og Brynjars Gauta Guðjónssonar góð. Hjá Fylki var varnarlínan lengst af fín en Sito var sá eini sem var ógnandi í sókninni.Hvað gekk illa? Hvorugu liðinu gekk vel að skapa sér færi framan af leik. Stjörnumenn voru þó líklegri en sóknarleikur Fylkis var afar bitlaus. Sito átti ágætis spretti en Andrés Már Jóhannesson, Ingimundur Níels Óskarsson og Albert Brynjar Ingason sáust varla. Það þarf að breytast ætli Fylkismenn að vinna einhverja leiki í sumar. Varnarleikurinn hjá Fylki var lengst af í lagi en hann klikkaði í aðdraganda fyrra marks Stjörnunnar. Gestirnir töpuðu þá boltanum á hættulegum stað og voru ekki í jafnvægi þegar Stjörnumenn sóttu hratt á þá. Það leiddi til aukaspyrnunnar, rauða spjaldsins og loks marksins mikilvæga. Í seinna markinu leit Ólafur Íshólm Ólafsson ekki vel út í rammanum hjá Fylki.Hvað gerist næst? Stjörnumenn sækja Víkinga heim en Fylkismenn fá Blika í heimsókn í Árbæinn. Stjörnumenn geta byggt á þessum sigri en þeir eiga samt mikið inni. Fylkismenn verða án Ásgeirs í leiknum gegn Blikum en Hermann Hreiðarsson verður kominn aftur á bekkinn eftir að hafa tekið út leikbann í kvöld. Eyjamaðurinn þarf að fara vel yfir uppspil og sóknarleik Fylkis á næstu æfingum.Rúnar Páll á hliðarlínunni í kvöld.vísir/ernirRúnar Páll: Erum með frábæra liðsheild Rúnar Páll Sigmundsson, þjálfari Stjörnunnar, var að vonum sáttur með sigurinn á Fylki á Samsung-vellinum í kvöld. „Það er frábært að fá þrjú stig gegn sterku liði Fylkis. Ég er gríðarlega ánægður með liðsheildina og það komu allir þvílíkt öflugir inn í þennan leik,“ sagði Rúnar Páll. Það er mikil breidd í leikmannahópi Stjörnunnar og hún gerði gæfumuninn í kvöld en varamaðurinn Veigar Páll Gunnarsson skoraði bæði mörk liðsins. „Við erum með frábæra liðsheild og það eru allir saman í þessu. Við erum með öflugan hóp og öflugt lið og menn verða að koma inn á og leggja sitt af mörkum eins og Veigar gerði í dag,“ sagði Rúnar en hvernig fannst honum spilamennska Stjörnunnar fram að fyrra markinu? „Þetta var barátta en mér fannst við spila þennan leik ágætlega,“ sagði Rúnar. Eyjólfur Héðinsson lék sinn fyrsta leik á Íslandi í áratug og að mati Rúnars stóð hann sig vel. „Hann stóð sig mjög vel og eins og allir aðrir. Hann getur spilað sem djúpur miðjumaður, á báðum köntum og fremstur á miðju. Hann er fjölhæfur eins og margir í okkar liði,“ sagði þjálfarinn að lokum.Úr leiknum í kvöld.vísir/ernirGarðar: Sýndist þetta ekki vera aukaspyrna Garðar Jóhannsson, spilandi aðstoðarþjálfari Fylkis, stýrði liðinu í fjarveru Hermanns Hreiðarssonar gegn Stjörnunni í kvöld. Hann var mátulega sáttur með leik sinna manna. „Þetta er svekkjandi tap. Við vorum inni í leiknum. Það var smá skjálfti í okkur í fyrri hálfleik en í þeim seinni var þetta 50/50 leikur,“ sagði Garðar. „Svo fáum við aukaspyrnu á okkur sem mér sýndist ekki vera aukaspyrna. Þeir skora úr henni, við missum mann út af og þá verður þetta erfiður róður. „Við vorum fínir í seinni hálfleik en þetta gekk ekki alveg jafn vel í þeim fyrri en við fórum yfir það í hálfleik,“ sagði Garðar. En vildi hann ekki sjá sína menn ógna marki Stjörnunnar oftar en þeir gerðu? „Auðvitað vill maður alltaf fá fleiri færi en við nýttum ekki þau sem við fengum,“ sagði Garðar að endingu.Eyjólfur með boltann.vísir/ernirEyjólfur: Það eru ekki 11 menn að fara að vinna þetta mót „Þetta var mjög góð tilfinning, bara að fá að spila aftur. Það er langt síðan ég spilaði síðast fótbolta og það er frábært að byrja á sigri,“ sagði Eyjólfur Héðinsson, leikmaður Stjörnunnar, eftir sigurinn á Fylki. Þetta var fyrsti leikur Eyjólfs á Íslandi frá 2006 en hann sneri aftur heim í vetur eftir erfið ár þar á undan vegna meiðsla. Hann kvaðst nokkuð sáttur með sitt framlag í leiknum í kvöld. „Ég var mjög ánægður. Ég er ekki búinn að spila marga leiki upp á síðkastið og ekki æft mikið en mér fannst mér og liðinu ganga vel. Við vorum flottir á löngum köflum og þetta var sanngjarn sigur.“ Eins og áður sagði hefur Eyjólfur glímt við erfið meiðsli undanfarin ár og þ.a.l. lítið spilað. Hann segir að leikformið sé því eðlilega ekki það besta. „Líkamlegt form er ágætt en leikformið er ekki mikið,“ sagði Eyjólfur sem var ánægður með framlag varamanna Stjörnunnar í kvöld. „Okkar styrkur kom í ljós í dag. Breiddin er mikil og varamennirnir kláruðu leikinn. Við þurfum bara að nýta okkur þetta í sumar, það eru ekki 11 menn að fara að vinna þetta mót. Við þurfum á öllum að halda,“ sagði Eyjólfur að lokum. Pepsi Max-deild karla Mest lesið Sigurvegari Stokkhólms-maraþonsins látin aðeins þrítug Sport Sjáðu brotið sem Blikar eru brjálaðir yfir Íslenski boltinn Svona var kynningarfundurinn fyrir Bónus-deildirnar í vetur Körfubolti Þorsteinn tók fram úr mörgum og varð fyrstur Íslendinga í mark á HM Sport Trump hikar ekki við að færa leiki á HM úr hættulegum borgum Fótbolti Tindastóli og Njarðvík spáð toppnum í vetur Körfubolti Svona hefst Ryder-bikarinn: „Viljum ná öflugri byrjun“ Golf Arnar ekki áfram með Fylki Íslenski boltinn Þora ekki að horfa á strákinn vegna fúkyrðaflaums Golf Trump missir ekki trúna: „Við munum klára þetta“ Golf Fleiri fréttir „Held við séum búnir að sjúga karamelluna nægilega mikið“ Lofar æðislegum leik Arnar ekki áfram með Fylki Sjáðu Stjörnuna stöðva partýið, bombur Bergdísar og dramað í Dalnum Sjáðu brotið sem Blikar eru brjálaðir yfir Uppgjörið: Þór/KA - Tindastóll 3-0 | Þægilegt hjá Þór/KA Úr svartnætti í sólarljós „Mjög ljót meiðsli eftir slæma og óþarfa tæklingu“ Uppgjörið: Þróttur - Víkingur 3-2 | Dramatík í Dalnum Uppgjörið: FH - Valur 1-1 | Allt jafnt og Blikar nær titli Spilaði fyrsta leikinn í tvö ár: „Er í gervigrasskóm og hef ekki snert gras síðan 2023“ Högg fyrir KR-inga í fallbaráttunni Uppgjörið: Breiðablik - Stjarnan 1-2 | Stjarnan vann sanngjarnt og titillinn bíður betri tíma Blikar gætu aftur orðið Íslandsmeistarar í kvöld Hvergi nærri hætt: „Markmiðið var alltaf að sýna gömlu góðu Berglindi“ Botnslagurinn færður Gullboltinn í Bestu deildinni: „Þristurinn minn gæti orðið umdeildur“ Rúnar Már og Amin missa af stórleiknum upp á Skaga Náð í fleiri stig í átta leikjum síðan Birnir kom en í fimmtán leikjum þar á undan Finnst ólíklegt að KR bjargi sér: „Þetta er orðið verra og verra og verra“ Sjáðu vítið sem gerði Blika æfa: „Ótrúlegt að enginn af dómurunum sjái þetta“ Viðurkennir að vítið sem Víkingur fékk hafi ekki átt að standa Höskuldur um vítaspyrnudóminn umdeilda: „Grimmt að dæma hendi á þetta“ Uppgjörið: Valur - Breiðablik 1-1 | Hádramatískar lokamínútur skiluðu Valsmönnum stigi Markatalan 10-1 eftir að Lárus Orri fann liðið sitt Sjáðu vítadóminn í Víkinni og öll mörk gærdagsins „Stefnan sett á topp fjallsins og við reynum að klífa þangað“ „Ömurleg frammistaða hjá gæjunum í gulu búningunum“ „Verðum að passa okkur að fara ekki í fórnarlambsgír“ Uppgjörið: KA - KR 4-2 | Akureyringar sendu Vesturbæinga í fallsæti Sjá meira
Veigar Páll Gunnarsson tryggði Stjörnunni öll þrjú stigin gegn Fylki í leik liðanna í 1. umferð Pepsi-deildar karla í kvöld. Leikurinn var heldur tíðindalítill en vendipunktur leiksins kom á 78. mínútu. Stjörnumenn fengu þá aukaspyrnu við vítateigslínuna eftir að Ásgeir Eyþórsson braut á Ævari Inga Jóhannessyni sem var kominn einn í gegn. Ásgeir fékk að líta sitt annað gula spjald og þar með rautt og Veigar skoraði með fallegu skoti beint úr aukaspyrnunni. Veigar bætti svo öðru marki við átta mínútum síðar og gulltryggði sigur Garðbæinga.Af hverju vann Stjarnan? Mikið hefur verið talað um breiddina í Stjörnuliðinu og hvort hún geti mögulega skapað vandræði fyrir Rúnar Pál Sigmundsson, þjálfara liðsins. Svo gæti vel farið en í kvöld var breiddin, og gæðin, í leikmannahópnum til þess að Stjarnan vann leikinn. Á varamannabekk Garðbæinga voru fjórir fyrrverandi atvinnumenn og þrír leikmenn sem hafa leikið A-landsleik. Og einn þeirra, Veigar Páll, kom inn á og gerði útslagið með tveimur frábærum mörkum. Það er ekki amalegt fyrir Rúnar Pál að geta skipt mönnum eins og Veigari Páli, Jeppe Hansen og Halldóri Orra Björnssyni inn á þegar hlutirnir eru ekki að ganga í sókninni.Þessir stóðu upp úr Augljóslega Veigar Páll en áður en hann kom inn á var Eyjólfur Héðinsson manna líklegastur. Eyjólfur spilaði sinn fyrsta leik á Íslandi frá 2006 og var virkilega sprækur og komst nokkrum sinnum nálægt því að skora. Annars var varnarleikur Stjörnunnar flottur og samvinna Grétars Sigfinns Sigurðarsonar og Brynjars Gauta Guðjónssonar góð. Hjá Fylki var varnarlínan lengst af fín en Sito var sá eini sem var ógnandi í sókninni.Hvað gekk illa? Hvorugu liðinu gekk vel að skapa sér færi framan af leik. Stjörnumenn voru þó líklegri en sóknarleikur Fylkis var afar bitlaus. Sito átti ágætis spretti en Andrés Már Jóhannesson, Ingimundur Níels Óskarsson og Albert Brynjar Ingason sáust varla. Það þarf að breytast ætli Fylkismenn að vinna einhverja leiki í sumar. Varnarleikurinn hjá Fylki var lengst af í lagi en hann klikkaði í aðdraganda fyrra marks Stjörnunnar. Gestirnir töpuðu þá boltanum á hættulegum stað og voru ekki í jafnvægi þegar Stjörnumenn sóttu hratt á þá. Það leiddi til aukaspyrnunnar, rauða spjaldsins og loks marksins mikilvæga. Í seinna markinu leit Ólafur Íshólm Ólafsson ekki vel út í rammanum hjá Fylki.Hvað gerist næst? Stjörnumenn sækja Víkinga heim en Fylkismenn fá Blika í heimsókn í Árbæinn. Stjörnumenn geta byggt á þessum sigri en þeir eiga samt mikið inni. Fylkismenn verða án Ásgeirs í leiknum gegn Blikum en Hermann Hreiðarsson verður kominn aftur á bekkinn eftir að hafa tekið út leikbann í kvöld. Eyjamaðurinn þarf að fara vel yfir uppspil og sóknarleik Fylkis á næstu æfingum.Rúnar Páll á hliðarlínunni í kvöld.vísir/ernirRúnar Páll: Erum með frábæra liðsheild Rúnar Páll Sigmundsson, þjálfari Stjörnunnar, var að vonum sáttur með sigurinn á Fylki á Samsung-vellinum í kvöld. „Það er frábært að fá þrjú stig gegn sterku liði Fylkis. Ég er gríðarlega ánægður með liðsheildina og það komu allir þvílíkt öflugir inn í þennan leik,“ sagði Rúnar Páll. Það er mikil breidd í leikmannahópi Stjörnunnar og hún gerði gæfumuninn í kvöld en varamaðurinn Veigar Páll Gunnarsson skoraði bæði mörk liðsins. „Við erum með frábæra liðsheild og það eru allir saman í þessu. Við erum með öflugan hóp og öflugt lið og menn verða að koma inn á og leggja sitt af mörkum eins og Veigar gerði í dag,“ sagði Rúnar en hvernig fannst honum spilamennska Stjörnunnar fram að fyrra markinu? „Þetta var barátta en mér fannst við spila þennan leik ágætlega,“ sagði Rúnar. Eyjólfur Héðinsson lék sinn fyrsta leik á Íslandi í áratug og að mati Rúnars stóð hann sig vel. „Hann stóð sig mjög vel og eins og allir aðrir. Hann getur spilað sem djúpur miðjumaður, á báðum köntum og fremstur á miðju. Hann er fjölhæfur eins og margir í okkar liði,“ sagði þjálfarinn að lokum.Úr leiknum í kvöld.vísir/ernirGarðar: Sýndist þetta ekki vera aukaspyrna Garðar Jóhannsson, spilandi aðstoðarþjálfari Fylkis, stýrði liðinu í fjarveru Hermanns Hreiðarssonar gegn Stjörnunni í kvöld. Hann var mátulega sáttur með leik sinna manna. „Þetta er svekkjandi tap. Við vorum inni í leiknum. Það var smá skjálfti í okkur í fyrri hálfleik en í þeim seinni var þetta 50/50 leikur,“ sagði Garðar. „Svo fáum við aukaspyrnu á okkur sem mér sýndist ekki vera aukaspyrna. Þeir skora úr henni, við missum mann út af og þá verður þetta erfiður róður. „Við vorum fínir í seinni hálfleik en þetta gekk ekki alveg jafn vel í þeim fyrri en við fórum yfir það í hálfleik,“ sagði Garðar. En vildi hann ekki sjá sína menn ógna marki Stjörnunnar oftar en þeir gerðu? „Auðvitað vill maður alltaf fá fleiri færi en við nýttum ekki þau sem við fengum,“ sagði Garðar að endingu.Eyjólfur með boltann.vísir/ernirEyjólfur: Það eru ekki 11 menn að fara að vinna þetta mót „Þetta var mjög góð tilfinning, bara að fá að spila aftur. Það er langt síðan ég spilaði síðast fótbolta og það er frábært að byrja á sigri,“ sagði Eyjólfur Héðinsson, leikmaður Stjörnunnar, eftir sigurinn á Fylki. Þetta var fyrsti leikur Eyjólfs á Íslandi frá 2006 en hann sneri aftur heim í vetur eftir erfið ár þar á undan vegna meiðsla. Hann kvaðst nokkuð sáttur með sitt framlag í leiknum í kvöld. „Ég var mjög ánægður. Ég er ekki búinn að spila marga leiki upp á síðkastið og ekki æft mikið en mér fannst mér og liðinu ganga vel. Við vorum flottir á löngum köflum og þetta var sanngjarn sigur.“ Eins og áður sagði hefur Eyjólfur glímt við erfið meiðsli undanfarin ár og þ.a.l. lítið spilað. Hann segir að leikformið sé því eðlilega ekki það besta. „Líkamlegt form er ágætt en leikformið er ekki mikið,“ sagði Eyjólfur sem var ánægður með framlag varamanna Stjörnunnar í kvöld. „Okkar styrkur kom í ljós í dag. Breiddin er mikil og varamennirnir kláruðu leikinn. Við þurfum bara að nýta okkur þetta í sumar, það eru ekki 11 menn að fara að vinna þetta mót. Við þurfum á öllum að halda,“ sagði Eyjólfur að lokum.
Pepsi Max-deild karla Mest lesið Sigurvegari Stokkhólms-maraþonsins látin aðeins þrítug Sport Sjáðu brotið sem Blikar eru brjálaðir yfir Íslenski boltinn Svona var kynningarfundurinn fyrir Bónus-deildirnar í vetur Körfubolti Þorsteinn tók fram úr mörgum og varð fyrstur Íslendinga í mark á HM Sport Trump hikar ekki við að færa leiki á HM úr hættulegum borgum Fótbolti Tindastóli og Njarðvík spáð toppnum í vetur Körfubolti Svona hefst Ryder-bikarinn: „Viljum ná öflugri byrjun“ Golf Arnar ekki áfram með Fylki Íslenski boltinn Þora ekki að horfa á strákinn vegna fúkyrðaflaums Golf Trump missir ekki trúna: „Við munum klára þetta“ Golf Fleiri fréttir „Held við séum búnir að sjúga karamelluna nægilega mikið“ Lofar æðislegum leik Arnar ekki áfram með Fylki Sjáðu Stjörnuna stöðva partýið, bombur Bergdísar og dramað í Dalnum Sjáðu brotið sem Blikar eru brjálaðir yfir Uppgjörið: Þór/KA - Tindastóll 3-0 | Þægilegt hjá Þór/KA Úr svartnætti í sólarljós „Mjög ljót meiðsli eftir slæma og óþarfa tæklingu“ Uppgjörið: Þróttur - Víkingur 3-2 | Dramatík í Dalnum Uppgjörið: FH - Valur 1-1 | Allt jafnt og Blikar nær titli Spilaði fyrsta leikinn í tvö ár: „Er í gervigrasskóm og hef ekki snert gras síðan 2023“ Högg fyrir KR-inga í fallbaráttunni Uppgjörið: Breiðablik - Stjarnan 1-2 | Stjarnan vann sanngjarnt og titillinn bíður betri tíma Blikar gætu aftur orðið Íslandsmeistarar í kvöld Hvergi nærri hætt: „Markmiðið var alltaf að sýna gömlu góðu Berglindi“ Botnslagurinn færður Gullboltinn í Bestu deildinni: „Þristurinn minn gæti orðið umdeildur“ Rúnar Már og Amin missa af stórleiknum upp á Skaga Náð í fleiri stig í átta leikjum síðan Birnir kom en í fimmtán leikjum þar á undan Finnst ólíklegt að KR bjargi sér: „Þetta er orðið verra og verra og verra“ Sjáðu vítið sem gerði Blika æfa: „Ótrúlegt að enginn af dómurunum sjái þetta“ Viðurkennir að vítið sem Víkingur fékk hafi ekki átt að standa Höskuldur um vítaspyrnudóminn umdeilda: „Grimmt að dæma hendi á þetta“ Uppgjörið: Valur - Breiðablik 1-1 | Hádramatískar lokamínútur skiluðu Valsmönnum stigi Markatalan 10-1 eftir að Lárus Orri fann liðið sitt Sjáðu vítadóminn í Víkinni og öll mörk gærdagsins „Stefnan sett á topp fjallsins og við reynum að klífa þangað“ „Ömurleg frammistaða hjá gæjunum í gulu búningunum“ „Verðum að passa okkur að fara ekki í fórnarlambsgír“ Uppgjörið: KA - KR 4-2 | Akureyringar sendu Vesturbæinga í fallsæti Sjá meira