One Direction og Corden fóru á kostum á rúntinum - Myndband

James Corden og hljómsveitameðlimir One Direction fóru á rúntinn um Los Angeles á dögunum en hann keyrir oft með stjörnum um alla borg í dagskrálið sem nefnist Carpool Karaoke.

Corden stýrir þættinum The Late Late Show vestanhafs en þeir félagarnir keyrðu um saman og sungu nokkur vel valinn lög.

Það var greinilega nokkuð gaman hjá þeim fimm í bílnum og skemmtu þeir sér einstaklega vel. Corden mætti með alveg eins gallaskyrtur handa þeim öllum, til að þeir litu út eins og alvöru strákaband. Myndbandið má sjá hér að neðan.