Fordæma frávísun í meintu nauðgunarmáli

Aðgerðarhópurinn Aktívistar gegn nauðgunarmenningu fordæmir frávísun í meintu nauðgunarmáli kenndu við Hlíðarnar og segir það þyngra en tárum taki að horfa upp á enn eitt málið í þessum brotaflokki enda með frávísun. „Líkt og fram hefur komið er sönnunarbyrði þessara mála þung og landslagið sem horfir við þolendum óvægið og gerendavænt með meiru,“ segir í tilkynningu frá hópnum.

Um er að ræða mál tveggja karlmanna sem kærðir voru fyrir nauðgun í íbúð við Miklubraut um miðjan október á síðasta ári. Málið var í dag fellt niður hjá embætti héraðssaksóknara. Önnur kona kærði annan tvímenninganna fyrir nauðgun í sömu íbúð og er það mál, samkvæmt heimildum fréttastofu, enn til meðferðar hjá saksóknaraembættinu.

„Við þig, hugrakka kona (og aðra þolendur í svipaðri stöðu), viljum við segja eftirfarandi: Þú ert ekki ein, við stöndum með þér og hugsum hlýtt til þín. Skömminni hefur þú skilað á sinn stað með kærunni og fyrir það máttu vera stolt af sjálfri þér, þetta krefst mikils styrks. Mundu einnig að frávísun máls er ekki sýkna,“ segir hópurinn.

Tilkynninguna í heild má lesa hér fyrir neðan.

Vegna fregna af frávísun í nauðgunarmáli kenndu við Hlíðarnar senda undirritaðar hlutaðeigandi konu/þolanda baráttu- og samúðarkveðjur.

Það er þyngra en tárum taki að horfa uppá enn eitt málið í þessum brotaflokki enda með frávísun, en líkt og fram hefur komið er sönnunarbyrði þessara mála þung og landslagið sem horfir við þolendum óvægið og gerendavænt með meiru.

Við þig, hugrakka kona (og aðra þolendur í svipaðri stöðu), viljum við segja eftirfarandi: Þú ert ekki ein, við stöndum með þér og hugsum hlýtt til þín. Skömminni hefur þú skilað á sinn stað með kærunni og fyrir það máttu vera stolt af sjálfri þér, þetta krefst mikils styrks.

Mundu einnig að frávísun máls er ekki sýkna.

Einnig viljum við senda konunni sem á málið sem er enn til meðferðar hjá saksóknaraembættinu baráttukveðjur.

Aktívistar gegn nauðgunarmenningu:

María Lilja Þrastardóttir

Brynhildur Yrsa Valkyrja Guðmundsdóttir

Linda Björk Eiríksdóttir

Benedikta Ketilsdóttir

Hildur Lilliendahl Viggósdóttir

Sóley Tómasdóttir

Steinunn Ýr Einarsdóttir

Elísabet Ýr Atladóttir

Ósk Gunnlaugsdóttir

Birgitta Sigurðardóttir

Hildur Guðbjörnsdóttir

Bjarndís Helga Tómasdóttir

Hugrún Jónsdóttir

Áslaug Hauksdóttir

Særún Magnea Samúelsdóttir

Aðalheiður Jóhannsdóttir

Bára Jóhannesdóttir Guðrúnardóttir

Sigrún Huld Skúladóttir

Fjóla Dísa Skúladóttir

Brynhildur Björnsdóttir

Saga Kjartansdóttir

Erla E. Völudóttir

Edda Ýr Garðardóttir

Guðný Elísa Guðgeirsdóttir

Helga D. Í. Sigurðardóttir

Kristín I. Pálsdóttir

Sóley Björk Stefánsdóttir