Svaf úti eftir ítrekaða hrekki kærastans

Shayan Shayegani heldur úti nokkuð vinsælli Facebook-síðu sem ber nafnið Speedo shy en það hrekkir hann fólk og framleiðir allskonar grínmyndbönd.

Eitt af þeim er myndband sem hann tók upp þrjár nætur í röð. Þar má sjá hann hræða líftóruna úr kærustunni sinni þegar hún er sofandi.

Hann vakti konuna klæddur eins og górilla, með hvíta grímu og kom einnig brúðu fyrir við hliðin á henni sem er vægast sagt hrollvekjandi.

Þetta endaði með því að kærastan tók sængina sína og lagðist út í garð. Hún fékk algjörlega nóg en myndbandið má sjá hér að neðan.