Jafntefli í snjókomu á Húsavík

Gervigrasið á Húsavík kom í góðar þarfir í kvöld er keppni hófst í 2. deild karla. Þá fóru fram þrír leikir.

Á Húsavík gerðu Völsungur og Magni 1-1 jafntefli. Arnþór Hermansson skoraði mark Völsungs en ekki er vitað hver skoraði mark Magna. Bergur Jónmundsson Völsungur fékk að líta rauða spjaldið á 73. mínútu.

Grótta lagði ÍR, 0-2. Agnar Guðjónsson skoraði annað marka Gróttu.

KV tapaði svo gegn Aftureldingu, 1-3, í Vesturbænum. Njörður Þórhallsson skoraði fyrir KV en þeir Wentzel Steinarr Kamban, Nik Anthony Chamberlain og Kristófer Örn Jónsson skoruðu mörk Aftureldingar að því er kemur fram á urslit.net.