Umfjöllun, viðtöl og einkunnar: ÍA - Fjölnir 1-0 | Skagamenn komnir á blað Ingvi Þór Sæmundsson á Norðurálsvellinum skrifar 12. maí 2016 22:00 Skagamenn fengu þrjú stig í kvöld. vísir/ernir ÍA er komið á blað í Pepsi-deild karla í ár eftir 1-0 sigur á Fjölni á Norðurálsvellinum á Akranesi í kvöld. Leikurinn var ekki mikið fyrir augað en Garðar Gunnlaugsson skoraði eina markið á 17. mínútu eftir hornspyrnu. Fjölnismenn voru meira með boltann það sem eftir lifði leiks en Skagavörnin lenti ekki í miklum vandræðum með sóknaraðgerðir gestanna. Heimamenn héldu út og fögnuðu verðskulduðum þremur stigum sem eru þeirra fyrstu á tímabilinu.Af hverju vann ÍA? Eftir skellinn fyrir ÍBV í 1. umferð hafa Skagamenn leitað í grunngildin; verið skipulagðir, unnið vel fyrir hvorn annan og spilað eins og lið. Varnarleikurinn var mjög sterkur í kvöld og Árni Snær Ólafsson öryggið uppmálað þar fyrir aftan. Mark Skagamanna kom eftir fast leikatriði þar sem þeir voru einfaldlega fyrri til að bregðast við og ráðast á lausan bolta. Það var kannski lýsandi fyrir hugarfar Akurnesinga í leiknum.Þessir stóðu upp úr Vörn ÍA var öflug með Ármann Smára Björnsson sem besta mann. Stóri maðurinn átti erfitt uppdráttar gegn ÍBV en hefur verið flottur í síðustu tveimur leikjum. Árni Snær var öruggur í markinu, Þórður Þorsteinn Þórðarson mjög góður í hægri bakverðinum og Albert Hafsteinsson duglegur á miðjunni. Hjá Fjölni var fátt um fína drætti. Það var helst Guðmundur Karl Guðmundsson sem lét að sér kveða. Það gekk ekki allt upp hjá honum en hann var allavega að reyna og hætti aldrei.Hvað gekk illa? Þetta var frekar slakur fótboltaleikur og lítið um góða spilkafla. Sóknarleikur beggja liða var ekki merkilegur og það var vel við hæfi að eina mark leiksins kæmi eftir hornspyrnu. Fjölnismenn byrjuðu leikinn reyndar ágætlega en koðnuðu niður eftir markið og voru ekki líklegir til afreka fram á við eftir það.Hvað gerist næst? Skagamenn eru komnir með þrjú stig og upp úr fallsæti. Þeir mæta ósigruðum Ólsurum í Vesturlandsslag á mánudaginn en ÍA ætti að geta safnað stigum í næstu fjórum leikjum sem eru gegn báðum Víkingsliðunum, Fylki og Þrótti. Fjölnismönnum var kippt niður á jörðina eftir tvo sigra í fyrstu tveimur umferðunum. Þeirra bíður erfitt verkefni í næstu umferð þar þeir mæta FH í Kaplakrika.Gunnlaugur: Höfðum ofboðslega mikið fyrir þessu Gunnlaugi Jónssyni, þjálfara ÍA, var að vonum létt eftir að Skagamenn náðu í sín fyrstu stig í Pepsi-deildinni í ár með sigri á Fjölni í kvöld. „Þetta gekk eins og við lögðum upp með. Við ætluðum að byggja á því sem gekk vel gegn FH þar sem við vorum þéttir og fastir fyrir. „Þetta var iðnaðarútgáfa af sigri, kannski ekki sá fallegasti en við uppskárum eins og við sáðum,“ sagði Gunnlaugur í leikslok. Hann er ánægður með hvernig hans menn hafa svarað stórtapinu fyrir ÍBV í 1. umferðinni. „4-0 tap var mikið sjokk í fyrsta leik en við höfum bætt varnarleikinn mikið frá honum. Við höfðum ofboðslega mikið fyrir þessu í dag og þetta var frábær sigur,“ sagði þjálfarinn. Þrátt fyrir sigurinn í kvöld segir Gunnlaugur að Skagamenn geti gert betur og spilað betri fótbolta. „Með þessum sigri fáum við meira sjálfstraust og getum haldið boltanum betur. Maður sá að það vantaði aðeins upp á sjálfstraustið í þessum leik en ég held að þessi sigur gefi okkur mikið og það er mikilvægt að vera komnir á blað,“ sagði Gunnlaugur að lokum.Ágúst: Þetta var verðskuldaður sigur Ágúst Gylfason, þjálfari Fjölnis, var sammála blaðamanni að það hafi vantað meira púður í sóknarleik Grafarvogsliðsins í kvöld. „Það vantaði svolítið púður í okkur. Þetta var ekkert sérstaklega góður fótboltaleikur, mikið um baráttu og Skagamenn voru bara sterkari þar. Þetta var verðskuldaður sigur hjá þeim,“ sagði Ágúst eftir leikinn. „Við náðum ekki upp nógu góðu spili. Þetta var barátta og markið er lýsandi fyrir leikinn. Þetta var ekki okkar dagur en kærkominn sigur fyrir Skagamenn,“ sagði Ágúst sem vildi sjá meira frá sínum mönnum fram á við. „Þeir lokuðu vel á okkur og það var erfitt að brjóta þá á bak aftur.“ Þórir Guðjónsson lék ekki með Fjölni í kvöld sökum meiðsla. En hvenær býst Ágúst við því að endurheimta framherjann öfluga? „Þórir verður líklega frá í 2-3 vikur en við erum kokhraustir með það lið sem við erum með og berjumst áfram í þessu,“ sagði þjálfarinn að lokum. Pepsi Max-deild karla Mest lesið Í beinni: ÍA - KR | Blóðug botnbarátta á Skaganum Íslenski boltinn Fernandes klikkaði á víti og United tapaði fyrir Brentford Enski boltinn Í beinni: Crystal Palace - Liverpool | Einu ósigruðu liðin eigast við Enski boltinn Stórveldaslagur „upp á líf og dauða“ Íslenski boltinn Uppgjörið: FH - Breiðablik 1-1 | Fjörugum og viðburðarríkum leik lauk með jafntefli í Krikanum Íslenski boltinn Potter rekinn frá West Ham Enski boltinn „Held að skipið sé siglt að maður verði kallaður í landsliðið“ Íslenski boltinn Fyrirliði Evrópu greinir frá því hvað Trump sagði við hann Golf Ársbann frá fótbolta fyrir skjalafals Fótbolti Evrópa leiðir baráttuna um Ryder bikarinn Sport Fleiri fréttir Í beinni: Keflavík - HK | Sæti í Bestu deildinni í boði Í beinni: FH - Breiðablik | Lið á ólíku skriði Í beinni: ÍA - KR | Blóðug botnbarátta á Skaganum Rúnar gerir nýjan samning við Fram „Held að skipið sé siglt að maður verði kallaður í landsliðið“ „Lærðum það í fyrra hvað það er leiðinlegt að tapa“ Stórveldaslagur „upp á líf og dauða“ „Held við séum búnir að sjúga karamelluna nægilega mikið“ Lofar æðislegum leik Arnar ekki áfram með Fylki Sjáðu Stjörnuna stöðva partýið, bombur Bergdísar og dramað í Dalnum Sjáðu brotið sem Blikar eru brjálaðir yfir Uppgjörið: Þór/KA - Tindastóll 3-0 | Þægilegt hjá Þór/KA Úr svartnætti í sólarljós „Mjög ljót meiðsli eftir slæma og óþarfa tæklingu“ Uppgjörið: Þróttur - Víkingur 3-2 | Dramatík í Dalnum Uppgjörið: FH - Valur 1-1 | Allt jafnt og Blikar nær titli Spilaði fyrsta leikinn í tvö ár: „Er í gervigrasskóm og hef ekki snert gras síðan 2023“ Högg fyrir KR-inga í fallbaráttunni Uppgjörið: Breiðablik - Stjarnan 1-2 | Stjarnan vann sanngjarnt og titillinn bíður betri tíma Blikar gætu aftur orðið Íslandsmeistarar í kvöld Hvergi nærri hætt: „Markmiðið var alltaf að sýna gömlu góðu Berglindi“ Botnslagurinn færður Gullboltinn í Bestu deildinni: „Þristurinn minn gæti orðið umdeildur“ Rúnar Már og Amin missa af stórleiknum upp á Skaga Náð í fleiri stig í átta leikjum síðan Birnir kom en í fimmtán leikjum þar á undan Finnst ólíklegt að KR bjargi sér: „Þetta er orðið verra og verra og verra“ Sjáðu vítið sem gerði Blika æfa: „Ótrúlegt að enginn af dómurunum sjái þetta“ Viðurkennir að vítið sem Víkingur fékk hafi ekki átt að standa Höskuldur um vítaspyrnudóminn umdeilda: „Grimmt að dæma hendi á þetta“ Sjá meira
ÍA er komið á blað í Pepsi-deild karla í ár eftir 1-0 sigur á Fjölni á Norðurálsvellinum á Akranesi í kvöld. Leikurinn var ekki mikið fyrir augað en Garðar Gunnlaugsson skoraði eina markið á 17. mínútu eftir hornspyrnu. Fjölnismenn voru meira með boltann það sem eftir lifði leiks en Skagavörnin lenti ekki í miklum vandræðum með sóknaraðgerðir gestanna. Heimamenn héldu út og fögnuðu verðskulduðum þremur stigum sem eru þeirra fyrstu á tímabilinu.Af hverju vann ÍA? Eftir skellinn fyrir ÍBV í 1. umferð hafa Skagamenn leitað í grunngildin; verið skipulagðir, unnið vel fyrir hvorn annan og spilað eins og lið. Varnarleikurinn var mjög sterkur í kvöld og Árni Snær Ólafsson öryggið uppmálað þar fyrir aftan. Mark Skagamanna kom eftir fast leikatriði þar sem þeir voru einfaldlega fyrri til að bregðast við og ráðast á lausan bolta. Það var kannski lýsandi fyrir hugarfar Akurnesinga í leiknum.Þessir stóðu upp úr Vörn ÍA var öflug með Ármann Smára Björnsson sem besta mann. Stóri maðurinn átti erfitt uppdráttar gegn ÍBV en hefur verið flottur í síðustu tveimur leikjum. Árni Snær var öruggur í markinu, Þórður Þorsteinn Þórðarson mjög góður í hægri bakverðinum og Albert Hafsteinsson duglegur á miðjunni. Hjá Fjölni var fátt um fína drætti. Það var helst Guðmundur Karl Guðmundsson sem lét að sér kveða. Það gekk ekki allt upp hjá honum en hann var allavega að reyna og hætti aldrei.Hvað gekk illa? Þetta var frekar slakur fótboltaleikur og lítið um góða spilkafla. Sóknarleikur beggja liða var ekki merkilegur og það var vel við hæfi að eina mark leiksins kæmi eftir hornspyrnu. Fjölnismenn byrjuðu leikinn reyndar ágætlega en koðnuðu niður eftir markið og voru ekki líklegir til afreka fram á við eftir það.Hvað gerist næst? Skagamenn eru komnir með þrjú stig og upp úr fallsæti. Þeir mæta ósigruðum Ólsurum í Vesturlandsslag á mánudaginn en ÍA ætti að geta safnað stigum í næstu fjórum leikjum sem eru gegn báðum Víkingsliðunum, Fylki og Þrótti. Fjölnismönnum var kippt niður á jörðina eftir tvo sigra í fyrstu tveimur umferðunum. Þeirra bíður erfitt verkefni í næstu umferð þar þeir mæta FH í Kaplakrika.Gunnlaugur: Höfðum ofboðslega mikið fyrir þessu Gunnlaugi Jónssyni, þjálfara ÍA, var að vonum létt eftir að Skagamenn náðu í sín fyrstu stig í Pepsi-deildinni í ár með sigri á Fjölni í kvöld. „Þetta gekk eins og við lögðum upp með. Við ætluðum að byggja á því sem gekk vel gegn FH þar sem við vorum þéttir og fastir fyrir. „Þetta var iðnaðarútgáfa af sigri, kannski ekki sá fallegasti en við uppskárum eins og við sáðum,“ sagði Gunnlaugur í leikslok. Hann er ánægður með hvernig hans menn hafa svarað stórtapinu fyrir ÍBV í 1. umferðinni. „4-0 tap var mikið sjokk í fyrsta leik en við höfum bætt varnarleikinn mikið frá honum. Við höfðum ofboðslega mikið fyrir þessu í dag og þetta var frábær sigur,“ sagði þjálfarinn. Þrátt fyrir sigurinn í kvöld segir Gunnlaugur að Skagamenn geti gert betur og spilað betri fótbolta. „Með þessum sigri fáum við meira sjálfstraust og getum haldið boltanum betur. Maður sá að það vantaði aðeins upp á sjálfstraustið í þessum leik en ég held að þessi sigur gefi okkur mikið og það er mikilvægt að vera komnir á blað,“ sagði Gunnlaugur að lokum.Ágúst: Þetta var verðskuldaður sigur Ágúst Gylfason, þjálfari Fjölnis, var sammála blaðamanni að það hafi vantað meira púður í sóknarleik Grafarvogsliðsins í kvöld. „Það vantaði svolítið púður í okkur. Þetta var ekkert sérstaklega góður fótboltaleikur, mikið um baráttu og Skagamenn voru bara sterkari þar. Þetta var verðskuldaður sigur hjá þeim,“ sagði Ágúst eftir leikinn. „Við náðum ekki upp nógu góðu spili. Þetta var barátta og markið er lýsandi fyrir leikinn. Þetta var ekki okkar dagur en kærkominn sigur fyrir Skagamenn,“ sagði Ágúst sem vildi sjá meira frá sínum mönnum fram á við. „Þeir lokuðu vel á okkur og það var erfitt að brjóta þá á bak aftur.“ Þórir Guðjónsson lék ekki með Fjölni í kvöld sökum meiðsla. En hvenær býst Ágúst við því að endurheimta framherjann öfluga? „Þórir verður líklega frá í 2-3 vikur en við erum kokhraustir með það lið sem við erum með og berjumst áfram í þessu,“ sagði þjálfarinn að lokum.
Pepsi Max-deild karla Mest lesið Í beinni: ÍA - KR | Blóðug botnbarátta á Skaganum Íslenski boltinn Fernandes klikkaði á víti og United tapaði fyrir Brentford Enski boltinn Í beinni: Crystal Palace - Liverpool | Einu ósigruðu liðin eigast við Enski boltinn Stórveldaslagur „upp á líf og dauða“ Íslenski boltinn Uppgjörið: FH - Breiðablik 1-1 | Fjörugum og viðburðarríkum leik lauk með jafntefli í Krikanum Íslenski boltinn Potter rekinn frá West Ham Enski boltinn „Held að skipið sé siglt að maður verði kallaður í landsliðið“ Íslenski boltinn Fyrirliði Evrópu greinir frá því hvað Trump sagði við hann Golf Ársbann frá fótbolta fyrir skjalafals Fótbolti Evrópa leiðir baráttuna um Ryder bikarinn Sport Fleiri fréttir Í beinni: Keflavík - HK | Sæti í Bestu deildinni í boði Í beinni: FH - Breiðablik | Lið á ólíku skriði Í beinni: ÍA - KR | Blóðug botnbarátta á Skaganum Rúnar gerir nýjan samning við Fram „Held að skipið sé siglt að maður verði kallaður í landsliðið“ „Lærðum það í fyrra hvað það er leiðinlegt að tapa“ Stórveldaslagur „upp á líf og dauða“ „Held við séum búnir að sjúga karamelluna nægilega mikið“ Lofar æðislegum leik Arnar ekki áfram með Fylki Sjáðu Stjörnuna stöðva partýið, bombur Bergdísar og dramað í Dalnum Sjáðu brotið sem Blikar eru brjálaðir yfir Uppgjörið: Þór/KA - Tindastóll 3-0 | Þægilegt hjá Þór/KA Úr svartnætti í sólarljós „Mjög ljót meiðsli eftir slæma og óþarfa tæklingu“ Uppgjörið: Þróttur - Víkingur 3-2 | Dramatík í Dalnum Uppgjörið: FH - Valur 1-1 | Allt jafnt og Blikar nær titli Spilaði fyrsta leikinn í tvö ár: „Er í gervigrasskóm og hef ekki snert gras síðan 2023“ Högg fyrir KR-inga í fallbaráttunni Uppgjörið: Breiðablik - Stjarnan 1-2 | Stjarnan vann sanngjarnt og titillinn bíður betri tíma Blikar gætu aftur orðið Íslandsmeistarar í kvöld Hvergi nærri hætt: „Markmiðið var alltaf að sýna gömlu góðu Berglindi“ Botnslagurinn færður Gullboltinn í Bestu deildinni: „Þristurinn minn gæti orðið umdeildur“ Rúnar Már og Amin missa af stórleiknum upp á Skaga Náð í fleiri stig í átta leikjum síðan Birnir kom en í fimmtán leikjum þar á undan Finnst ólíklegt að KR bjargi sér: „Þetta er orðið verra og verra og verra“ Sjáðu vítið sem gerði Blika æfa: „Ótrúlegt að enginn af dómurunum sjái þetta“ Viðurkennir að vítið sem Víkingur fékk hafi ekki átt að standa Höskuldur um vítaspyrnudóminn umdeilda: „Grimmt að dæma hendi á þetta“ Sjá meira
Uppgjörið: FH - Breiðablik 1-1 | Fjörugum og viðburðarríkum leik lauk með jafntefli í Krikanum Íslenski boltinn
Uppgjörið: FH - Breiðablik 1-1 | Fjörugum og viðburðarríkum leik lauk með jafntefli í Krikanum Íslenski boltinn